قبل رأس السنة 2025.. رحمة أحمد تكشف عن أبرز لقطات من 2024| خاص

رأس السنة 2025، أيام قليلة تفصلنا عن وداع عام وبداية عام جديد رأس السنة 2025، ويأمل الناس أن يكون عام خير وبركة محققين آمالهم وأحلامهم.

وكشفت الفنانة رحمة أحمد لموقع الأيام المصرية عن  عن أحلامها وأمنياتها لعام 2025، وعن أبرز اللقطات في عام 2024، وذلك قبل احتفالات رأس السنة 2025.

إليكم تصريحات رحمة أحمد:

أكتر لقطة إنسانية بالنسبالك في 2024؟

شوفت شابة من الناس اللي عايشة في الشارع كانت بتكلم نفسها بصوت عالي في نص الشارع  وفجاءة قلعت هدومها كلها، لسه بجري عليها لاقيت ست كبيرة من اللي عايشين في الشارع بردو جريت عليها و خبيتها جوة حضنها لحد ما نلحق نتصرف ونلبسها، حقيقي موقف أثر فيا جداً، اللي هو ايه يوصل الانسان للدرجة دي.

وعلى قد ما في ناس وحشة قادره توصلنا لمرحلة فقد العقل على قد ما لسه في أمل في الإنسانية.

لا يفوتك

رحمة أحمد لـ"الأيام المصرية": كنت خايفة من شكلي في الحجاب وقوة كاست "رقم سري" شجعني

أكتر لقطة غير إنسانية في 2024؟

أكتر لقطة غير إنسانية، مفيش أسوء إنسانياً من اللي بنشوفه بيحصل في أطفال غزة، أطفال مالهمش ذنب في أي حاجة و بردو لسه عندي امل في ربنا والإنسانية.

رسالة تقولها لـ 2024؟

خيرها كان كبير عليا حتى في الأوقات الصعبة.

رسالة تقولها لـ 2025؟

أتمنى تكون سنة سلام وخير  على العالم كله، الإنسان مبقاش قادر.

أكتر فيلم شاهدته في 2024 وعجبك؟

فيلم صيني اسمه getting home و ده إنتاج 2007 عجبني جداً وأثر فيا جداً جداً.

أغنية بتوصف حالتك بشكل عام في 2024؟

أغنية بتوصف إحساسي، أغنية لأمير عيد اسمها حاجات جوايا

أغنية تتمنى تعيش حالتها في 2025؟

أغنية أتمنى أعيش حالتها، عندي ثقة فيك بتاعة فيروز.

إيه الخسائر اللي خسرتيها في 2024؟

الخسائر اللي خسرتها كانت مكاسب الحمد لله.

إيه المكاسب اللي كسبتيها في 2024؟

المكاسب اللي كسبتها، كل يوم عيشته فيها كان مكسب جديد سواء كان يوم سهل أو صعب.