زينة منصور : الفن شغلانة زي أي شغلانة والفنان مش ملك الناس (فيديو)
حلت الفنانة زينة منصور ضيفة مع الفنانة صفاء جلال في برنامج قعدة صفا، وذلك على قناة Ten، لتكشف عن الكثير من كواليس حياتها وأدوارها الفنية.
ويحرص موقع الأيام المصرية على عرض أبرز تصريحات زينة منصور خلال برنامج قعدة صفا.
زينة منصور تكشف عن كواليس دورها في مسلسل حق عرب
كشفت زينة منصور عن كواليس مشاركتها في مسلسل حق عرب، والذي قدمت فيه دور سيدة مستغلة تحب المال ويمكنها أن تتخلى عن أي شيء في سبيله.
وقالت زينة منصور: أنا قدمت في حق عرب دور ست مش جدعة، المناطق الشعبية عندنا مليانة شخصيات زي دي وأنا طلعت حلوة فيه عشان بحب الناس دي".
زينة منصور تكشف عن علاقتها بالسوشيال ميديا
قالت الفنانة زينة منصور أنها لا تهتم بمنصات السوشيال ميديا، ولا تحب الاندماج فيها، مشيرة إلى أن السوشيال ميديا بالنسبة لها تشبه البحر، تفضل مشاهدته من بعيد دون تجربة الغوص فيها.
وتابعت: علاقتي بالسوشيال ميديا زي علاقتي بالبحر تبقي بتبصي عليه كده من بعيد بس مش قادرة تنزليه، وخايفة يخطفك، أول ما بدأت السوشيال ميديا الناس كانت بتقولي اشتري صفحات عليها مليون أو اتنين متابع، قولتلهم نشتري ليه متابعين ما اللي عايز يحبني هيحبني، لكن علشان يبقى عندي مليون أو أكتر عشان أظهر إني فنانة كبيرة وكده بحس ده كلام فارغ، اللي هيحبني هيتابعني وساعات بقفل الحساب برايفت ودلوقتي عندي 60 ألف بس كلهم حقيقيين مفيهمش حد فيك".
واضافت: مبحبش أعمل لايفات تيك توك علشان مبحبش الحاجة اللي تقل مني، وشغل التيك توك واللايفات دي بحسها مش بنتعب عليها وأنا أحب الرزق أبقى شقيانة عليه".
زينة منصور: الفن زي أي شغلانة ومش من حق حد يترصد حياته الشخصية
أكدت زينة منصور أن الفن مثله مثل باقي المهن، لا يحق لأي شخص أن ييتبع حياتهم الشخصية بحذافيرها، وإنما من حقهم أن ينتقدوا أعمالهم الفنية فقط.
وقالت: الفن شغلانة زي أي شغلانة والفنان مش ملك الناس، عيب لما يبقى كل لحظة في حياة الفنان بيتكلموا فيها، أنا مبحبش كده، لو عايز تنتقدني انتقد أعمالي وشغلي".
زينة منصور تشيد بالفنان أحمد العوضي
أشادت زينة منصور بالفنان أحمد العوضي، مشيرة إلى أنه مصدر إلهام للكثير من الشباب خاصة أن لديه إصرار كبير على النجاح.
وقالت: “العوضي روحه حلوة وبيشتغل أوي، حتى لو تعبان بيقوم وبيكمل شغله، ودائمًا عنده طموح للنجاح"، موضحة أنه أصبح يتمتع بشعبية كبيرة بين الجماهير، لأنه يمثل قدوة إيجابية للشباب لما يتمتع به من اجتهاد والتزام في عمله.
يذكر أن صفاء جلال تقدم برنامج قعدة صفا، على مدار يومي الأحد والأثنين من كل أسبوع، في تمام الساعة الثالثة عصرًا على شاشة قناة Ten.