"جابولي صرع وأنا زي الحصان".. أسما شريف منير تهاجم الصحفيين بعبارات صادمة

هاجمت أسما شريف منير، الصحافيين وكل من نشر عنها خبر إصابتها بالصرع، حيث نفت هذه الأخبار، وكشفت حقيقة مرضها، متهمه كل من نشر هذه الأخبار، بأنه يشبه التلميذ الغشاش.

ويحرص الأيام المصرية على مشاركة متابعيه، أهم و أبرز التفاصيل والأخبار المتداولة بين رواد ومشاهير السوشيال ميديا، لذلك نشارككم تفاصيل عن منشور أسما شريف منير، الذي هاجمت من خلاله الصحافيين بسبب نشر أخبار خاطئة عنها.

أسما شريف منير : أنا فعلا تخنت بس مش 100 كيلو 

كشفت أسما شريف منير عن سبب زيادة وزنها، قائلة: "أنا تخنت، مش مية كيلو بس تخنت، وعبّرت عن ده بكل بصراحة، طبيعي أحس بعدم راحة لأن جسمي مش زي ما متعوده عليه، ولما اتسألت في برنامج، قلت إنّي باخد دواء "لنوبات الهلع"، لكن، للأسف، الصحافة عندنا بقت تهتم بالعناوين المثيرة أكتر من إنها تنقل الحقائق أو تهتم بحال الناس بجد".

أسما شريف منير تهاجم الصحفيين

واستكملت: “زمان، الصحفي كان بيتعب عشان يجيب الخبر، وكان شغله فيه أمانة وإتقان وتحقيق. دلوقتي، الأخبار بقت مجرد نسخ و يلا نملي و خلاص ، زي التلميذ اللي بيغش و غلط كمان،  فبدل ما ينقلوا كلامي صح، حولوا نوبة الهلع لنوبة صرع، و في قالوا مرض نادر..جابولي مرض مش عندي. وأهو الخبر انتشر، وموجود مدى الحياة، والناس اللي هتشوفه في أوقات مختلفة هتصدق المعلومة المغلوطة، حتى لو الحقيقة ظهرت”.

واضافت: “أنا من ناحيتي، ما بهتمش برأي الناس، وده اللي مخليني مكملة في طريقي بكل ثقة ، أنا شايفة قدامي وعارفة أنا عايزة إيه ومش عايزة إيه، التنمر بالنسبالي بقى نعمة، حسنات بتزيد بلا انقطاع، واللي بينتقدني أو يتنمر عليّ بيديني حسنات مش خسارة، كمان، الشخص اللي بيطلع من جواه غل ووحشية، كلامه بيعكس اللي جواه مش اي شيء فيا”.

واختتمت: “كل مرة الصحافة تغلط، لازم أقول إن الشغل اللي بيتعمل من غير ضمير مرفوض، وهنفضل نواجهه، وشكرًا لكل اللي اتطمنوا عليّا لما سمعوا الخبر المغلوط، ربنا يشفي كل مريض يا رب”.