تامر أمين عن أزمة ثلاثي الزمالك: إحنا أسفين يا إمارات واللي غلط لازم يتعاقب
علق الإعلامي تامر أمين، على أزمة ثلاثي الزمالك نبيل عماد دونجا ومصطفى شلبي لاعبا الفريق الأول لكرة القدم وعبد الواحد السيد مدير الكرة بالنادي، مع فرد الأمن في دولة الإمارات، والتي جرت بعد انتهاء مباراة الفريق الأبيض أمام فريق بيراميدز ضمن مباريات كأس السوبر المصري.
وقال تامر أمين، خلال حديثه ببرنامج "آخر النهار"، المذاع على قناة النهار: "إحنا أسفين يا إمارات، بكل الحب وبكل الندم، نيابة عن الشعب المصري وكرة القدم والرياضة المصرية، ونادي الزمالك اللي أنا مش مصدق لحد دلوقتي إزاي لم يعتذر بعد إلى الدولة الإماراتية".
وأضاف: "موقف غريب من نادي الزمالك، والكلام ده لا فيه لا أحمر ولا أبيض، اللي يفرق دلوقتي علاقتنا بالشعب الشقيق الإمارات، وإننا بنشتغل عشان أخلاق ومبادئ مش عشان المصلحة".
وتابع: "القصة كبرت واللي كبرها المكابرة بتاعت بعثة الزمالك، لو كان في اعتراف بالخطأ ونوع من المصالحة، كان الأمر شوية خف، لكن بسبب عدم الاعتذار الموضوع زاد".
وأكمل: "في الإمارات القانون بيحترم، واللي بيغلط بيتعاقب أيا كان الفاعل والمخطئ، مواطن ولا مقيم ولا غريب أو ضيف، كل الفئات بتتعاقب لو أخطأت، الكل سواسية أمام القانون الإماراتي".
