أميرة العايدي: لو هعمل حاجة غير الفن هتبقي مع الحيوانات (فيديو)
حلت الفنانة أميرة العايدي في لقاء تليفزيوني، في ضيافة الفنان إدوارد، والإعلامية نانسي مجدي، وكشفت الفنانة أميرة العايدي من خلال لقائها، عن سبب قلة ظهورها بالأعمال الفنية.
ويحرص الأيام المصرية، على مشاركة متابعيه أهم و أبرز التفاصيل وأخبار الفن اليوم، لذلك نستعرض لكم تصريحات الفنانة أميرة العايدي.
أميرة العايدي تكشف سبب قلة ظهورها
كشفت الفنانة أميرة العايدي، من خلال لقائها مع الفنان إدوارد، عن سبب قلة ظهورها بالأعمال الفنية، أشارت إلى أنها تقوم برفض أدوار كثيرة، بسبب تكرار الشخصية التي تعرض عليها مما تسبب في فقدان الشغف لديها، قائلة: “أنا برفض حاجات كتير جدا، زهقت ومبقاش عندي شغف، لأن بيتعرض عليا أدوار مكررة، وقالب وجودي في دور الست الكلاس الرقيقة أنا زهقت منه، ومتصالحة مع نفسي ومش فارق معايا، ولسه مخلصة تصوير فيلم جديد رعب ولسه هينزل، وافقت على الدور لأنه مختلف".
أميرة العايدي : أنا عمري ما أطلع على التيك توك
“أنا أصغر بكتير من أني أحكم على حد، مش مسموح لأي بني أدم في الحياة يحكم على حد تاني، لأن أنا علشان أحكم عليه لازم أحط نفسي مكانه، وأعرف الظروف اللي خلته يعمل كده، ممكن يكون احتياج مدي، وممكن يكون احتياج نفسي أو بيحب جمهوره وبيحب يظهر لجمهوره، فأنا بعذرهم”.
واضافت، “أنا شخصيًا عمري ما أعرض مشكلة قلة شغلي على السوشيال، لأني بعيد عنها، ومحبش حد يدخل بيتي، بس لو حد عمل كده يعرض ده للجهات المختصة، وماليش في السوشيال وعمري ما أطلع لايف تيك توك”.
أميرة العايدي تعلق على منشور تامر فرج لطلب الشغل
علقت الفنانة أميرة العايدي على منشور تامر فرج الذي أثار جدل، بسبب عرض نفسه للبيع للمنتجين والمخرجين، للحصول على مشاركة فنية، قائلة: “ممكن يكون بيهزر، بس لو حقيقة لازم نعذره، مش كل الناس بتعرف تقعد من غير شغل”.
وتحدثت عن نفسها وعن استطاعتها العمل في شئ آخر غير الفن، قائلة “أنا معرفش أعمل حاجة غير الفن نهائي، فلو هعمل حاجة غير الفن هعمل حاجة مع الحيوانات مش البشر، لأني هفشل، بس لو كنت مضطره، هنزل أعمل حاجة حتى لو مبحبهاش، لأني محتاجة ده لبيتي، بس هحاول أقرب المسافات”.
