جدو يفتح النار على إدارة الزمالك "انتم اللي عليكم علامات إستفهام"

هاجم محمد ناجي جدو المدرب العام لفريق بيراميدز، أحمد سليمان عضو مجلس إدارة نادي الزمالك، وذلك بعد تصريحاته التي هاجم بها بيراميدز في أثناء ظهوره مع مهيب عبدالهادي على مجموعة قنوات إم بي سي مصر.

يسرد لكم موقع الأيام المصرية أخر تطورات المشكلة بين أحمد سليمان ومحمد ناجي جدو.

محمد ناجي جدو يهاجم مجلس إدارة الزمالك بعد تصريحات أحمد سليمان 

وقال جدو:" الكابتن احمد سليمان طلع امبارح و هاجم بيراميدز وأندية الشركات قال علامات استفهام علي بيراميدز عشان مش بيدوهم لاعيبة، وانهم بيشتروا لاعيبه وأنهم بيصرفوا كتير، وبيدخلهم فلوس قليله و مش بيسيبوا لاعيبة تحترف".

واصل:" بيراميدز أداهم عمر جابر و دونجا و عبدالله السعيد و هما دلوقتي احسن لاعيبه في الزمالك، وهل لو بيراميدز كلم الزمالك انهم عايزين زيزو مثلا الزمالك هيوافق؟ و ما سيبتش زيزو يحترف ليه".

أردف:" طبييعي ان بيراميدز يشتري لاعيبه و يقوي القايمة زي كل الفرق ممكن تقولنا يا كابتن احمد الزمالك بيصرف كام و بیدخله كام، وهل بيكسبوا فلوس من الكوره اكيد لا، الزمالك دفع اكثر من مليار جنيه غرامات بس فممكن تقولنا الكوره في الزمالك بتكسب كام".

أنهي حديثه:" من اول ما المجلس نجح في الانتخابات و كل لقاء تليفزيوني من اول الرئيس لأصغر عضو بيتكلم عن رمضان و عایزین رمضان صبحي مع انه متعاقد مع النادي لمده تلات سنوات، و دي حاجة عمري ما شوفتها في أي حتة في العالم لا في مصر ولا بره مصر ان مسئولين نادي بيتلمكوا عن لاعب في نادي تاني وتعاقدوا ساري لمده 3 سنوات، بصراحة انتوا اللي عليكم علامات استفهام".