مش هجاوب خالص.. السيسي يرفض التعليق على تسليح القوات المسلحة في الـ10 سنوات الأخيرة
رفض الرئيس عبد الفتاح السيسي، الإجابة على سؤال "هل كان من المطلوب إحضار أسلحة للقوات المسلحة خلال العشر سنوات اللي فاتت؟"، خلال كلمته بالندوة التثقيفية الـ 40 للقوات المسلحة.
وقال الرئيس السيسي، خلال كلمته: "أنا مش هجاوب على السؤال ده خالص، شوفتوا للي بيحصل حوالينا.. مش عشان الحرب اللي موجودة دلوقتي لكن لازم تعرفوا إن الحفاظ على قوة الدولة الشاملة بكل معانيها سواء القوة العسكرية أو الاقتصادية والثقافية والوعي أمر مهم ونشارك فيه كلنا، ولا بد أن تبقى القوات المسلحة والشرطة في أعلى جاهزية وقدرة لحماية البلد".
وأشار الرئيس السيسي إلى أن الأحداث أثبتت دائما أن الشعب المصري كان قادرا على تخطي الظروف الصعبة، معلقا: "طول ما الشعب المصري متماسك أي حاجة تانية هتتقضى، إلا أن يكون أمن بلدنا بيتعرض لتحدي خطير يفقدنا كل الجهد اللي بنبذله من أجل الحفاظ عليها وعلى شعبها".
وأضاف السيسي، خلال كلمته في الندوة التثفيفية لـ القوات المسلحة: "بلدنا الحمد لله بخير، وقدرات الجيش كافية للدفاع عن بلدنا ومش عشان نعمل حاجة ضد حد".
