«الدنيا هتولع».. أحمد موسى يحذر من السيناريو الأسود بين إسرائيل وإيران
علق الإعلامي أحمد موسى، على افتتاح الرئيس عبد الفتاح السيسي، لمحطة قطارات بشتيل بمحافظة الجيزة، اليوم.
وقال أحمد موسى، خلال حديثه ببرنامج "على مسئوليتي"، المذاع على قناة صدى البلد: "الرئيس السيسي بيعمل للمواطنين قدر المستطاع، وحريص على تنفيذ المشروعات التنموية بأعلى دقة وجودة، والرئيس شايف كل حاجة بتتعمل في البلد".
وأضاف: "رغم كل التحديات الصعبة، لكن البلد مكملة، ورغم الحروب اللي حوالينا، وقد تندلع حروب إقليمية، لو إسرائيل ضربت إيران هترد عليها والدنيا هتولع، إيه اللي ممكن يحصل في العالم؟ الكل بيحاول يتجنب هذا السيناريو، ده هيكون كارثة على العالم كله".
أحمد موسى: عندنا تحديات كبيرة ورغم كده مصر شغالة
وتابع: "عندنا تحديات كبيرة، ورغم ده مصر شغالة، والفترة الجاية كلها افتتاحات، من أول أكتوبر عندنا احتفالات، والأيام الجاية أكتوبر".
وشهد الرئيس عبد الفتاح السيسي، اليوم السبت، افتتاح محطة قطارات صعيد مصر في بشتيل بمحافظة الجيزة.
وتتميز محطة بشتيل، بتصميم مستوحى من الطراز المصري القديم، حيث تم بناؤها على شكل معبد مصري، وتضم هرمًا زجاجيًا يتوسط المحطة بارتفاع 42 مترًا وأربع مسلات من الداخل، مما يجعلها مزارًا سياحيًا بجانب كونها محطة قطارات.
