"الناس مش عاوزة يتعملها حاجة كويسة".. أحمد موسى يرد على المشككين في محطة بشتيل
رد الإعلامي أحمد موسى، على المشككين في مشروع محطة قطارات بشتيل بمحافظة الجيزة، بعد افتتاح الرئيس عبد الفتاح السيسي لها اليوم.
وقال أحمد موسى، خلال حديثه ببرنامج "على مسئوليتي"، المذاع على قناة صدى البلد: "الكلام كان من 3 سنين أنه هنعمل محطة بشتيل، وكان في حملة كبيرة على التصريحات دي وقعد ناس يقولوا هو إحنا محتاجين المحطة دي، ولا هنعمل إيه بيها".
أحمد موسى: بشتيل أحسن من أي محطة في أوروبا
وأضاف: "المحطة عبارة عن متحف، أنت مش داخل محطة عادية، دي أحسن من أي محطة أوروبية، الرئيس السيسي عايز يعمل أحسن حاجة للناس، هو ليه في ناس عايزه تعيش على الحاجات القديمة، ليه مش عايزين حاجة تليق بالمواطن".
وتابع: "من وإحنا صغيرين وإحنا بنركب المحطات، مكنش في شباك كويس في القطر، كنا عشان نحجز تذاكر كنا بنفضل واقفين فترات طويلة".
وشهد الرئيس عبد الفتاح السيسي، اليوم السبت، افتتاح محطة قطارات صعيد مصر في بشتيل بمحافظة الجيزة.
وتتميز محطة بشتيل، بتصميم مستوحى من الطراز المصري القديم، حيث تم بناؤها على شكل معبد مصري، وتضم هرمًا زجاجيًا يتوسط المحطة بارتفاع 42 مترًا وأربع مسلات من الداخل، مما يجعلها مزارًا سياحيًا بجانب كونها محطة قطارات.
