مجد القاسم يفجر مفاجأة: أغنية «الحب الحقيقي» كانت بتاعتي وسبتها محمد فؤاد

كشف المطرب مجد القاسم، أن أغنية "الحب الحقيقي" عرضت عليه في البداية، لكنه تركها للفنان محمد فؤاد، لأنه رآه مناسبا لها أكثر.

وقال المطرب مجد القاسم، خلال حديثه ببرنامج "كلام الناس"، الذي تقدمه الإعلامية ياسمين عز عبر قناة إم بي سي مصر: "أجمل فترة عدت علينا هي التسعينات لحد 2006 كانت كلها مزيكا وفن، وأحسن الحاجات اتعملت وقتها".

أغنية الحب الحقيقي كانت بتاعتي قبل ما تروح لمحمد فؤاد

وأضاف مجد القاسم: "أغنية الحب الحقيقي كانت بتاعتي الأول قبل ما تروح لـ محمد فؤاد، وكنا بنعمل وقتها ألبوم مع مجموعة من النجوم، كل مطرب بيعمل أغنية كوكتيل".

وتابع القاسم: "ربنا يديله الصحة مصطفى كامل قالي في أغنية عاملها جديد في الوقت ده، سمعتها كانت أغنية تحفة ولكن قولتله أنا مش سامع نفسي فيها.

وأكمل: "قولت لمصطفى أنا عايز أقول اغنيه زي قسوة قلبك، وقولتله أغنية الحب الحقيقي دي تروح لمحمد فؤاد وأنا شايفه على المسرح بيغنيها، دي بتاعته، وفعلا كسرت الدنيا وبقت من تاريخه ربنا كان كاتبها ليه".