ياسمين رحمي: "ممكن أعمل مشاهد رومانسية لو مفيش إثارة للغرائز"|خاص
كشفت الفنانة الشابة ياسمين رحمي عن رأيها في الأفلام التي تتضمن love scenes في حال إذا ما عرض عليها فيلم عالمي في هوليوود، خاصةً أنها خطت أولى خطواتها نحو العالمية، من خلال مشاركتها في بطولة الفيلم الصيني once upon a time in the middle east مع النجم الصيني شين تينج والمخرج صاحب الجوائز المتعدد وين مووي.
وتحدثت ياسمين رحمي في تصريحات لـ الأيام المصرية كاشفةً عن رأيها في حال إذا ما عرض عليها فيلم عالمي في هوليوود يتضمن love scenes، موضحةً أنها توافق على تقديم مشاهد رومانسية طالما أن هذه المشاهد لا تتسبب في إثارة الغرائز.
ونستعرض في السطور التالية أبرز تصريحات الفنانة ياسمين رحمي عن رأيها في الأفلام التي تتضمن love scenes.
ياسمين رحمي: "ماعنديش أي مشكلة إني أعمل مشاهد رومانسية طالما مافيهاش إثارة للغرائز"
وفي حال عرض عليها فيلم عالمي في هوليوود به love scenes، فهل ستوافق أم ستطلب تخفيف عدد المشاهد أم سترفض تمامًا، قالت ياسمين رحمي: "حسب الـlove scenes دي عاملة إزاي".
وأوضحت: "يعني فيه love scenes أنا بشوفها فيه أفلام كتير جدًا أجنبية وأفلام كتير جدًا مصرية بتحبب الناس في الحب مش بتنفرهم منه، يعني مش مبتذلة، مش معمولة لإثارة الغرائز، معمولة بشكل رومانسي".
لافتةً: "ماعنديش أي مشكلة إني أعمل مشاهد رومانسية، بس عندي مشكلة إني أعمل مشاهد فيها إثارة للغرائز بشكل مبتذل، هي دي التحفظات بتاعتي، غير كده لأ طبعًا ماعنديش أي مشاكل".
وواصلت: "الـlove scenes دي السينما قايمة على كده، على إن يبقى فيه موسم كامل بنشغل فيه أفلام عن الحب زي موسم الفالنتين، فليه؟، أنا أصلًا من عشاق الأفلام الرومانسية، فعادي جدًا أعمل أفلام مافيهاش حاجات مبتذلة أو مثيرة للغرائز".
ياسمين رحمي: "ماعنديش رفض للناس اللي بتعمل النوعية دي من المشاهد بس ماعتقدش إني عندي القدرة أعملها"
وبخصوص سبب رفضها لتقديم هذه النوعية من المشاهد، أوضحت: "والسبب كمان إني ماعملش حاجات زي كده يرجع مش لرفضي للناس اللي بتعمل كده، هو إني نفسي ماعتقدش إن عندي القدرة إني أعرف أعمل ده، مش هبقى عارفة أعمل ده، نش هبقى مرتاحة لو عملت ده".
وأتمت الفنانة ياسمين رحمي: "لكن أنا ماعنديش اعتراض على اللي بيعملوا love scenes لا بره مصر ولا جوه مصر، بالعكس أنا بشوف إنهم أقوى مني إنهم عندهم القدرة إنهم يعملوا ده، لكن أنا ما أقدرش أعملها علشان مش هعرف أعملها، ماعنديش القدرة إني أعملها".
