المخرج عمرو صلاح : التعامل مع ليلى علوي مرهق بسبب التفاصيل | خاص
يواصل أبطال وصناع فيلم المستريحة بطولة الفنانة ليلى علوي تصوير أحدث العمل، ولم يعلن بعد عن موعد عرض الفيلم.
وفي سياق متصل حرص موقع الأيام المصرية على التواصل مع مخرج فيلم المستريحة للفنانة ليلى علوي، المخرج عمرو صلاح للحديث بشكل خاص عن الفنانة ليلى علوي، والكشف عن تفاصيل العمل معها والتزامها ودقتها.
كما كشف المخرج عمرو صلاح، عن الفرق بين التعامل مع نجوم هذا الجيل ونجوم الجيل السابق من بينهم الفنانة ليلى علوي.
المخرج عمرو صلاح : التعامل مع ليلى علوي مرهق بسبب التفاصيل
تحدث المخرج عمرو صلاح عن تفاصيل التعامل مع الفنانة ليلى علوي، وعن دقتها في التفاصيل، والتزامها بجودة العمل، وإضافتها روح الشباب للعمل، قائلًا: "فيلم المستريحة التعامل مع أستاذة ليلى علوى راقي، هي من أحسن الناس اللي اتعملت معاها احترافا والتزاما، ملتزمة جدا، بتدي اهتمام للتفاصيل حتى لو العمل كوميدي، بتدقق في التفاصيل جدا، وعلى الرغم من أنه شئ مرهق في الشغل، بس أنا كده وبحب اللي بيدي وقته كله للشغل ويدقق في التفاصيل، وعندها روح الشباب في الشغل وبتدي طاقتها للحكاية واللي حواليها بشكل كبير".
عمرو صلاح : جيل ليلى علوي عنده أصول الشغلانة
وأشار المخرج عمرو صلاح عن الفارق بين جيل الفنانة ليلى علوي من النجوم والجيل الحالي، قائلًا: "الفرق بين الجيل الجديد وجيل أستاذة ليلى علوي، له علاقة بالالتزام عندهم زيادة شوية، الجيل الجديد في عندهم التزام وكل حاجه، بس الجيل اللي قبل كده عنده الأصول كلها بتاعت الشغلانة أسهل على كل المستويات، عدد الممثلين بقي أكتر وأعمال أكتر، وتقنيات التصوير بقيت أسهل من زمان، فده سمح المجال لناس أكتر تدخل المجال، على عكس زمان صعوبة الأمر كان بيعمل فلتره للناس اللي بتنضم للوسط الفني، وبالتالي كان اللي الفنان لازم يبقي عنده مواصفات ومؤهلات تخليه يبقي نجم وده كان يتطلب منه مجهود أكبر للظهور على نجوميته".
مفاجأة فيلم المستريحة هو تجميعة الفيلم وهنقدم حاجة مهمه رغم الكوميديا
أما عن مفاجأة فيلم المستريحة قائلًا: "تجميعة فيلم المستريحة هي اللي هتكون مفاجأة الفيلم، ليلى علوي مع مصطفى غريب، عمرو وهبة، محمود الليثي، محمود قدري، بيومي، محمد محمود، مشاركتهم مع بعض هي اللي هتكون مختلفة، بنقدم فيلم لايت كوميدي ولكن في نفس الوقت في موضوع وقصة مهمه".
