"اتصور بكاميرا تليفون قديم".. بدرية طلبة تهاجم أحد مسلسلات رمضان | تفاصيل
انتقدت الفنانة بدرية طلبة، بعض الأعمال الدرامية التي يتم عرضها في شهر رمضان الجاري، واصفة مسلسلات رمضان بأن مستواها الفني متدني للغاية ولا ترتقي للذوق العام نظرا لضعف إمكانيات الغنتاج والإخراج.
وقالت بدرية طلبة عبر صفحتها الرسمية على فيس بوك:" فيه مسلسلات محدش يعرف عنها حاجة ولا حد بيجيب سيرتها لتدني مستواها الفني تحس أنها أتكلفت تلاته تعريفة وأتصورت بكاميرا تليفون موديل قديم وتلاقي فيها حاجات غريبة".
بدرية طلبة: فيه واحد لابس باروكة لو طلع من غيرها محدش هيعرفو بردو
وأضافت بدرية طلبة:" دا مش تنمر بس فعلا دخلت قلت أشوف أيه دا لاقيت واحد لابس باروكة فيك قوي وعامله زي تنده المحلات شكله لابسها علشان تمنع عنه الشمس والمطر موديل قديم قوي وهو لو طلع من غير باروكة مش حيفرق مع الناس محدش يعرفه أصلا شكله بالباروكة مقزز.
وتابعت:" اللي عرفته أن منتج العمل بتاع أبو باروكة بيعيط علي اللي صرفه علي عمل زي دا ربنا يعوضه خير لانه بجد صعب عليا ولما سألته ليه تتورط التوريطة دي قالي أبو باروكة ضلله ربنا يريحنا منك ومن باروكتك".
وفي سياق آخر، كشفت الفنانة بدرية طلبة عن دعمها لمسلسل لام شمسية الذي يتم عرضه خلال مسلسلات النصف الثاني من شهر رمضان الجاري.
وكتبت بدرية طلبة عبر صفحتها الرسمية على فيس بوك:" شوفو مسلسل (لام شمسية) علشان تاخدو بالكم من عيالكم بيناقش موضوع مهم جدا محدش قرب له قبل كدا بالجراءة دي أنا مش فيه بس متبعاه".
