أحمد عبدالعزيز يكشف سبب انفعاله في عزاء شيرين سيف النصر: مطلعتش الطبنجة
رد الفنان أحمد عبد العزيز على إنتقادات وجهت له لانفعاله الشديد على أحد الصحفيين خلال عزاء شيرين سيف النصر، وذلك أثناء حلوله ضيف في برنامح سابع سما المذاع على قناة النهار وتقدمه الإعلامية راغدة شلهوب.
وصرح الفنان أحمد عبد العزيز عن عدم إرتكابه خطأ بعد انفعاله على أحد الصحفيين، قائلاً: “مندمتش على التصرف اللي عملته مع الصحفي ومحاولتش اوصلوا واراضيه زي ما اتقال، ده هو اللي جه اعتذرلي وبقى صاحبي دلوقتي”.
احمد عبد العزيز: الصحفي اللي جه اعتذرلي وانا مطلعتش الطبنجة وضربته بالنار
وتابع أحمد عبد العزيز: “ اعتذرلي لأنه شدني من ضهري واللي عرفته بعد كده ان هو كان عايز يكلمني وبيشوف انا رايح فين وكدة ، فشدني من ضهري في وسط الزحمة الشديدة دي والدوشة، ف أنا بصيت زي ما انتوا شايفين، مطلعتش الطبنجة وضربته بالنار، لا لفيت وقولتلوا ولا نزل ايدك، مش اكتر من كده”.
أحمد عبد العزيز: السوشيال ميديا حاجة وحشة وسلاح ممكن يعورنا
وعبر الفنان أحمد عبد العزيز عن استياءه ممما رددته مواقع التواصل الاجتماعي، قائلاً: “ لقيت السوشيال ميديا قالبة الدنيا ومبالغات كتير وازاي وكيف، السوشيال ميديا دي مبالغات ، السوشيال ميديا دي حاجة وحشة، ويمكن آثارها السلبية اكتر من آثارها الإيجابية بكتير، التواصل الاجتماعي لا يتم من خلال هذا الطريق، التواصل الاجتماعي هو الحديث المباشر بين الأفراد، لازم نبقى فاهمين إننا معانا سلاح ممكن يعورنا”.
احمد عبد العزيز: انا عصبي وبشتغل مهنة تعصب
وتابع أحمد عبد العزيز قائلاً: “لما الدنيا اتقلبت كلمني احد الزملاء الصحفيين قالي الولد عايز يجي يعتذرلك ، انا مخدتش بالي ان هو مش طبيعي شوية ، لإن هو شكله طبيعي وزي الفل يعني مفيهوش حاجة ،انا عصبي وبشتغل مهنة تعصب”.
وروى أحمد عبد العزيز موقف طريف جمعه بالصحفي أثناء زيارته له في منزله للإعتذار له، قائلاً: “ف لما قالي انه عاوز يجي قولتلوا ينور هاتوا وتعالالي فجابهولي هو ووالدته، ولما جالي البيت بقى قولتلوا انت عندي في البيت دلوقتي وانا هستفرد بيك واعمل اللي هما قالوا ان انا عملته، قالي معلش يا أستاذ انا اسف انا عايز اشوفك من زمان انا روحت العزاء الفولاني عشان اشوفك والعزاء العلاني عشان اشوفك”.
