آسر ياسين يكشف سبب رفضه دور رضا في فيلم ولاد رزق
أعلن الفنان آسر ياسين عن رفضه دور رضا رزق الذي جسده الفنان أحمد عز وحقق نجاح باهر في الأجزاء الثلاثة منه، وذلك خلال حلوله ضيف في برنامج بودكاست “الراديو بيضحك” الذي تقدمه الإعلامية فاطمة مصطفى.
وكشف الفنان آسر ياسين عن عرض دور رضا رزق عليه قبل أن يعرض على الفنان أحمد عز ولكن آسر ياسين رفض تجسيد الدور، وقال آسر:" طارق رشحني إن أنا اقوم ببطولة الفيلم في الأول خالص وأنا كنت رفضت الصراحة كنت شايف ان هو شبه فيلم بس في الاخر طلع فيلم تاني خالص باللون تاني خالص"
وأضاف آسر ياسين: “بس سعيد جداً برضوا ان انا كان ده اختياري لان في الاخر يمكن مكنتش مستعد له يمكن مكنتش حابه زي ما انا حبيت شخصية الشايب اللي طلعت في ولاد رزق الجزء الثالث والجزء الثاني اخره ممتن جدا لكل ده وسعيد جدا بالكاركتر بالنسبة لي الشايب بحبها جدا لأن انا عندي جزء كبير جداً من الكريشين بتاعها او ظهورها بالشكل ده جدا وان شاء الله السنة دي نبدأ بقى في تنفيذها”.
وعن كواليس التصوير في مصر والرياض عبر آسر ياسين قائلاً: “ سعيد جدا بالتجربة لان يعني كان فيلم ضخم جداً واتصور ما بين مصر والرياض كان أول مرة ليا أصور في الرياض واستمتعت جداً هناك حقيقي يعني الناس كانت مرحبة بينا جداً وكانوا في منتهى اللطف في منتهى المساندة ان وبيحاولوا يسهلولنا كل حاجة في التصوير الفيلم”.
قصة فيلم ولاد رزق 3
بعد مرور سنوات على انفصال الأخوة في طرقهم الحياتية المختلفة، يعود شبح من الماضي ليجبرهم على العودة إلى حياة الجريمة والسرقة في عملية مصيرية تعتبر الأكبر والأخطر والأهم في تاريخ ولاد رزق.
أبطال فيلم ولاد رزق 3
- احمد عز رضا رزق
- عمرو يوسف ربيع رزق
- آسر ياسين الشايب
- كريم قاسم رمضان رزق
- علي صبحي كوري
- محمد ممدوح رؤوف
- أحمد الرافعي مستر مجدي / سلطان الغول
- سيد رجب المعلم صقر
- منى ممدوح شهد مراجيح
- نسرين أمين حنان
- محمد لطفي شربيني
- تايسون فيوري بنفسه
