نجلاء بدر: أنا ممثلة إغراء زي هند رستم وعندي أنوثة أكثر من زميلاتي (فيديو)

نجلاء بدر في برنامج العرافة ، أثارت الفنانة نجلاء بدر جدلًا عبر منصات السوشيال ميديا، على الفور بعد عرض حلقتها في ضيافة الإعلامية بسمة وهبة في برنامج العرافة، المذاع على قناة النهار في موسم رمضان 2025، بسبب حديثها عن تصنيفها كممثلة إغراء، وسعادتها بهذا التصنيف، مشيرا إلة أنها تشبه نفسها بالفنانة هند رستم، وهذا ما يميزها عن باقي صديقاتها بالوسط الفني.

نجلاء بدر : المخرج اللي بيختارنا في البداية لأدوار الإغراء ومينفعش أرفض

كشفت الفنانة نجلاء بدر في حديثها مع الإعلامية بسمة وهبة عن سبب موافقتها لأدوار الإغراء في بداية مشوارها الفني، ونسبت سبب أدوار الإغراء لاختيار المخرج وليس اختيارها.

وقالت نصًا“المشاهد الجريئة اتفرضت عليا لأن أحنا كفنانات مبنختارش في البدايات، بيتعرض علينا الدور ويا نوافق يا نرفض، المخرج بيرشحك في دور وأنتي لسه في بدايتك معندكيش اختيارات أنك تختار بين كذا دور أو تطلبي يغيروا الورق فبتوافقي”.

نجلاء بدر : ممثلة إغراء دي من مواصفات الأنثى الجميلة زي هند رستم

وأضافت بأنها تشعر بالاستغراب عن سبب تصنفها كممثلة إغراء، ولكنها سعيدة بهذا التصنيف، لكونها ممثلة جميلة بها مظاهر أنثوية، وقالت:“هموت واعرف شافوا فيا إية عشان يصنفوني ممثلت إغراء، ومش متضايقه من التصنيف ده أنا مبسوطة، دي من مواصفات الأنثى الجميلة، هند رستم كانت ممثلت إغراء مش عشان هي بتعمل دور إغراء لآ هي شكلها لبعض الجماهير مغري، وهند رستم دي أقوى فنانة إغراء جات فيكي يا مصر، هي شكلها وجسمها وتقسيمتها وملامحها كده".

واضافت: “فأنا طبيعتي أنثى ..وعندي أنوثة أكثر من زميلاتي في الوسط الفني وعلشان كده اتصنفت ممثلة إغراء وهما لآ، بس مش كل زمايلي، في منهم عنده أنوثة”؟
 

نجلاء بدر : بشتغل علشان الفلوس ولكن الدور أهم 

واشارت إلى أنها لن تدخل الوسط الفني بسبب الفلوس وقالت: “مقبلتش أي أدوار علشان الفلوس، أن داخله الوسط الفني مشهورة كمذيعة، وكان أجري بالدولار فمكنتش محتاجة فلوس”
واختتمت قائلة“مدخلتش الفن علشان أعمل فلوس، كسبب أساسي ولكن هناك أسباب أخرى، لأني قدمت أدوار بأجر ضعيف لأن لسه مكنش ليا مبيعات في السوق، ولكن كلنا بنشتغل عشان الفلوس، ومش عيب بس أنا أولوياتي الدور وبعد كده الفلوس، وطالما هبذل مجهود بـ 19 و 20 ساعة في الدور يبقى يهمني الفلوس برضه”.