سماح أنور: الدكاترة كانوا هيعملولي بتر للأطراف.. وربنا شفاني بمعجزة

سماح أنور،  حلت الفنانة سماح أنور في ضيافة برنامج  كلم ربنا مع المذيع ، أحمد الخطيب على الراديو 9090، وكشفت سماح أنور تفاصيل أصعب مرحلة في حياتها، وهي المرحلة التي مرت بحادث مأساوي، تسبب لها في العجز عن الحركة والجلوس على كرسي متحرك لمدة أكثر من 11 عام، وعن قرار الدكاترة بإجراء عمليه بتر أطرافها، وأشارت سماح أنور إلى قدرت الله في شفائها، رغم إنعدام الأمل من قبل الدكاترة والطب البشري.

سماح أنور قعدت 11 سنة على كرسي متحرك وفاقدة التوازن

وتحدثت الفنانة سماح أنور عن تفاصيل الحادث الأليم الذي تعرضت له، فائلة، “أنا عملت حادثة صعبة  أوي، ودخلت المستشفى وفضلت 3 أيام في غيبوبة تامة، وبسبب الحادثة دي  قعدت ‎ 11سنة على كرسي متحرك بـ عجل، ومكنش في أي أمل”.
واستكملت قائلة: “بعدها لقيت نفسي قاعده على كرسي متحرك، والدكاتره عاوزين يعملولي عملية بتر لأطرافي نتيجة الحادث اللي فاقدة التوازن وعمري بيضيع ومش عارفه أرجع لحياتي تاني”.

سماح أنور: شوفت ربنا وكلمته بعد 42 عملية بدورعلى الشفاء

وكشفت سماح أنور عن حديثها لربنا في رحلة بحثها عن الشفاء، قائلة: “ في السنين دي كلها شفت ربنا وكلّمته بعد ما عملت 42 عملية جراحية في رجليا علشان أقوم واقف تاني، وكلها محاولات فاشلة”.
واستكملت قائلة : “كل الأطباء قالولى إنى مش همشي تانى، ولا هقدر أشتغل، لكن كنت طول الوقت بحس انهم بيتكلموا عن حد تانى .. مش أنا، رغم انها كانت حادثة موت، ورغم كل المعاناة إلا اني كنت متأكده يقينا إن ربنا كان له قرار تاني . . قرار ان ارجع أقف تاني علي رجلي وهيكتبلي عمر جديد”.

ربنا ألهمني أني هعيش وأكمل طريق العلاج ومحاولات الشفاء

واشارت سماح أنور إلى أصعب فترة في حياتها، قائلة" دى كانت أصعب فترة في حياتي، خاصة أهلى وتحديدا أبويا وأمي،  اللى كانوا تعبانين معايا، فمكنتش بعيط  قدامهم ولكن كانت ،تجربة قاسية".

وعن لحظة أخبار أهلها بنجاح العملية الأخيرة، قالت : “اللحظة اللى نجحت فيها آخر عمليه ووقفت تاني علي رجلي كانت أعظم لحظة في حياة أبويا وأمى أكتر مني، لأنهم كانوا تعبانين وأنا كنت عايزة أفرحهم ، لذلك لما روحت أشوف الاشاعات الأخيرة كنت لوحدى، مكنتش قايلاهم لأنهم كانوا فقدوا الأمل بسبب فشل الـ  41 عملية اللي قبل كده”.