هدي الاتربي قنبلة الجيل تكشف سبب حذف دور فريدة سيف النصر من العتاولة 2 |فيديو

هدي الاتربي قنبلة الجيل .. استكملت مجموعة قنوات النهار الجزء الثاني من حلقة الفنانة هدى الأتربي في برنامج العرافة التي تقوم بتقديمه الإعلامية بسمة وهبة في تمام الساعة السادسة مساء.

وصرحت الفنانة هدى الأتربي على سبب حذف دور فريدة سيف النصر من الجزء الثاني من مسلسل العتاولة، حيث أوضحت قائلة: “ اتظلمت لما موتوها في العتاولة خصوصا ان ده مكانش مكتوب ولا متفق عليه، وأنا مكنتش موجودة في الكواليس واتفاجئت واحنا بنعمل مشهد النهاية اننا بنقول انها ماتت، ومكانش موجود ده في الاسكريبت بتاع المسلسل”.

وتابعت: “لما سألت ليه كل شوية حد بيقولي حاجة، يعني مثلا سمعت انها كانت رافضة تنزل تصور، وسمعت ان حصل خلاف بينها وبين المخرج، وسمعت ان صحتها مكانتش كويسة ومكانتش هتقدر انها تستحمل عدد الأيام اللي سافرنا فيها برا مصر، سمعت سيناريوهات كتيرة الحقيقة ايه هي قالتها، قالت ان هي مكانتش تعرف انها هتموت”.

وكشفت عن سبب اعتذارها عن مسلسل نسل الأغراب، قائلة: “ المخرج محمد سامي كلمني واتفق معايا على دور في المسلسل والشركة المنتجة كلمتني عرضت عليا دور تاني مكانش عاجبني، وانا مش ندمانة على ده”.

هدى الأتربي: “الناس بتخش تكتب هدى الأتربي قنبلة الجيل”

وصرحت هدى الأتربي في حلقة الأمس من برنامج العرافة عن سبب تلقيبها بلقب قنبلة الجيل، قائلة: "وانا موجودة في التريند عشان انا الأكثر بحثاً، الناس بتخش تكتب هدى الأتربي قنبلة الجيل ده لقبي زيه زي مارلين مونرو الشرق والسندريلا وسيدة الشاشة ده لقبي اللي بيلقبوني بيه الناس”.

وتابعت هدى الأتربي: “أتوقع أن أكون سيدة الشاشة في زمني زي نجوم الأبيض والأسود، كانوا زمان بيقولوأ سيدة الشاشة العربية دلوقتي بيقولوا قنبلة الجيل دي لغة العصر وانا فرحانة جداً باللقب ده، وده مالوش علاقة بشكلي وجسمي هما قالوا على سعاد حسني السندريلا عشان شكلها وجسمها لا طبعاً”.

هدى الأتربي: تصدرت التريند لهذا السبب

وعن تصدرها التريند، أوضحت: “انا تصدرت التريند مش بسبب حلاوتي وجسمي لا انا تصدرت بسبب إن المشاهد كان بيبقى عايز حاجة ومستني مني حاجة انا بديهالو”.

وأضافت : “انا شايفة نفسي إني لسه متحطيتش في الإطار اللي أنا استحقه، يعني انا لسه متحطيتش في الحتة الصح اللي تخليني ممثلة صاعدة أو مشروع نجمة”.

هدى الأتربي: “النجم يعمل اي حاجة وانا مش شايفة نفسي نجمة اغراء”

وعن أدوار الأغراء، قالت: “النجم يعمل اي حاجة وانا مش شايفة نفسي نجمة اغراء انا شايفة نفسي ممثلة”.