هدى الأتربي لـ بسمة وهبة : انا مش ممثلة إغراء والناس بتدّور عن قنبلة الجيل |فيديو

حلقة هدى الأتربى مع بسمة وهبة .. تصدرت حلقة هدى الأتربي مع الأعلامية بسمة وهبة، محركات البحث مواقع التواصل الإجتماعي، بسبب تصريحاتها عن لقبها "قنبلة الجيل" مما خطف أنظار المشاهدين.

وحلت الفنانة هدى الأتربي ضيفة في برنامج العرافة الذي تقدمه على قناة النهار وتقوم بتقديمه الإعلامية بسمة وهبة، وعلقت هدى الأتربي على تصدرها التريند بسبب دورها في مسلسل العتاولة، قائلة: “انا تصدرت التريند مش بسبب حلاوتي وجسمي لا انا تصدرت بسبب إن المشاهد كان بيبقى عايز حاجة ومستني مني حاجة انا بديهالو”.

وتابعت الأتربي: “ انا شايفة نفسي إني لسه متحطيتش في الإطار اللي أنا استحقه، يعني انا لسه متحطيتش في الحتة الصح اللي تخليني ممثلة صاعدة أو مشروع نجمة”.

هدى الأتربي عن أدوار الأغراء : النجم يعمل أي حاجة

وبسؤالها عن أدوار الأغراء، قالت: “النجم يعمل اي حاجة وانا مش شايفة نفسي نجمة اغراء انا شايفة نفسي ممثلة”. 

هدى الأتربي عن لقب قنبلة الجيل: الناس بتكتب هدى الأتربي قنبلة الجيل 

وعن لقب قنبلة الجيل علقت قائلة: “وانا موجودة في التريند عشان انا الأكثر بحثاً، الناس بتخش تكتب هدى الأتربي قنبلة الجيل ده لقبي زيه زي مارلين مونرو الشرق والسندريلا وسيدة الشاشة ده لقبي اللي بيلقبوني بيه الناس”.

وأضافت هدى الأتربي: “أتوقع أن أكون سيدة الشاشة في زمني زي نجوم الأبيض والأسود، كانوا زمان بيقولوأ سيدة الشاشة العربية دلوقتي بيقولوا قنبلة الجيل دي لغة العصر وانا فرحانة جداً باللقب ده، وده مالوش علاقة بشكلي وجسمي هما قالوا على سعاد حسني السندريلا عشان شكلها وجسمها لا طبعاً”.

وأردفت هدى الأتربي : “كل الأدوار اللي اتعرضت عليا السنادي كانوا عاوزيني عشان يستغلوا التريند وعشان شكلي، مكانش في فرصة حقيقة أثبت نفسي فيها”.