مسلسل نون النسوة الحلقه الاولى ..محمد التاجي يفجر مفاجاة: محدش كلمني لحد دلوقتي|خاص
مسلسل نون النسوة الحلقه الاولى .. يستعد الفنان محمد التاجي للمشاركة في السباق الرمضاني 2025، للجزء الثاني من مسلسل جودر الحلقه الاولى، وذلك بعد النجاح الساحق الذي حققه في الجزء الأول بشخصية قمر الزمان.
وكان لـ موقع الأيام المصرية حوار خاص مع الفنان محمد التاجي كشف من خلاله عن أبرز المحطات المؤثرة في حياته الفنية، إليكم نص الحوار :
مسلسل نون النسوة الحلقه الاولى
- كلمنا عن تفاصيل مشاركتك ؟
“والله أنا لسه لحد النهاردة كل الناس بتكلمني عن المسلسل وأنا فوجئت من امبارح إن الناس بتكلمني عليه وأنا معرفش عنه حاجه يقولوا لا ده من شركة الإنتاج أنا شركة الإنتاج لحد دلوقتي مكلمتنيش” .
أضاف “أنا مش قادر أدلي بـ أي تصريح غير لما الناس يكلموني واقرأ الدور وإذا كان يعجبني ويبقى في حاجات كتيرة لازم تحصل ولازم يبقى في تعاقد عشان أنا اتكلم عن مسلسل لكن أتكلم عنه قبل ما أعرف عنه حاجة ده صعب أوي” .
- هل مي كساب هي التي رشحتك للعمل بعد تعاونكما في "العتاولة"؟
"لو المسلسل ده فعلاً زي ما بيقولوا إن أنا مرشح ليه فأكيد مي كساب هي اللي هتبقى مرشحاني لأن أنا لسه مش متعامل معاها النهاردة متعامل معاها يعني إحنا اتعاملنا في "العتاولة" واتعاملنا قبل كده في مسلسل اسمه "العتبة الحمراء" واتعاملنا في مسلسل ثاني كان اسمه "سنوات الحب" و"الملح" كان إخراج الأستاذ محمد فاضل فممكن تبقى هي اللي رشحتني للعمل الله أعلم"
مسلسل جودر 2
- هل يوجد اختلاف في دورك في مسلسل "جودر" الجزء الثاني عن الجزء الأول؟
بالنسبة لمسلسل "جودر" الجزء الثاني هي هي نفس الشخصية قمر الزمان رئيس وزراء شهريار وأبو شهرزاد يعني لسه بنكمل نفس هي هي الشخصية، بس اعتقد إن الشخصية في الجزء الثاني هتبقى فيها تمثيل أتقل في مشاهد أعمق بكتير كمان من الجزء الأول فربنا يسهل وتنول إعجاب الناس.
- هل المسلسل سوف يقدم شيء مختلف عن الجزء الأول ؟
أكيد هيقدم حاجات مختلفة لأن لسه فيه جودر والأحداث بتاعة جودر هي اللي هتبقى مختلفة اللي هي الحدوتة اللي شهرزاد بتحكيها لشهريار.
- هل انتابك شعور بالخوف عند عرض الدور عليك؟
“أخاف من ايه ده أنا سعدت جداً بالدور لأن الموضوع الفانتازيا ده إحنا أتربينا عليه وشوفناه وإحنا صغيرين وسمعناه في الإذاعة حدوتة ألف ليلة وليلة عموماً، الست زوزو نبيل كنا بنستناها من السنة للسنة في رمضان عشان نسمعها في الإذاعة وحتى لما اتعملت في التلفزيون إذا كانت لما عملتها نجلاء وحسين فهمي، وشريهان عملت بيتهيالي فطيمة وكريمة وده كان قصص ألف ليلة وليلة برضو كانت عاملة زي الفوازير كده فكانت شادة الجمهور جداً”.
أشار “إحنا أساساً كنا مشدودين ليها وإحنا في السن ده، أنا كنت سعيد جداً بالشخصية وكنت سعيد إن إحنا بنقدم طبيعة وجو مختلف، وللعلم المسلسل متكلف كتير جداً إذا كان في الأماكن أو في التصوير أو في الديكورات فيعني شيء مبهر إحنا كنا مبهورين بيه وإحنا بنشتغل فما اظنش إن في حاجة تخوف لا ده إحنا كنا سعداء وكنا منتظرين إن الناس تعجب والحمد لله يعني هو عجب الناس وربنا يسهل الجزء الثاني كمان يعجبهم”.
