المكالمة المسربة بين بسمة وهبة وشاليمار شربتلي .. قصف جبهة من الأخيرة| فيديو

تصدر اسم الفنانة التشكيلية شاليمار شربتلي محرك البحث جوجل، بعد تصاعد وتيرة الصراع بينها وبين الإعلامية بسمة وهبة.

وتصدرت قضية شاليمار شربتلي وعمر زهران على منصات التواصل الاجتماعي من جديد بعد تسريب مكالمة هاتفية مثيرة للجدل بينها وبين الإعلامية بسمة وهبة.

شاليمار شربتلي وبسمة وهبة

تداول رواد السوشيال ميديا خلال الساعات القليلة الماضية، مكالمة هاتفية مسجلة، اتصلت فيها الإعلامية بسمة وهبة بالفنانة شاليمار شربتلي، تطلب منها التنازل في قضية عمر زهران، لأنه يعاني داخل حبسه ويموت بالبطيء على حد وصفها.

تفاصيل مكالمة بسمة وهبة وشاليمار شربتلي 

وقالت بسمة وهبة في المكالمة: "أنا مش عايزة تكوني متضايقة وزعلانة مني.. خلينا نحل الموضوع بدون خلافات، لأن لو فضلنا نتكلم في إن عمر هو اللي سرق وأنا بقول لا يبقى هنفضل مختلفين، وأنا مش عايزاكي تبقي مضايقة واحنا بنتكلم".

وردت شاليمار شربتلي:" لو هنبتدي الكلام بإدانة أي طرف من الأطراف غير عمر، يبقى هأضطر أقفل الخط، أول حاجة انتي كده حضرتك بداية الكلام بتخبطي في المباحث والنيابة والقضاء، وأنا ست سعودية احترم هذا الوطن العظيم وده قراراهم بعد اتهامي لعمر إنه سرق وبعد شك فيه بعد ما جابلي عنتر، فلو حضرتك عندك وجهة نظر تانية ضد قانون بلدك وقرار بلدك، فأنا لا يمكن هاتكلم معاكي، يبقى مينفعش تقولي عمل أو معملش، يبقى نقول هو عمل لأن دي الحقيقة ولأنه أخد حكم، ولأن المجوهرات كانت في بيته وبناء عليه أنا معرفش أنتي بتكلميني ليه بعد كل الكلام اللي قولتيه عليا واتهامي بالتزوير إن أنا أديتك حاجة، أنا معرفكيش أصلا عشان أديكي حاجة، وأنا معرفكيش علشان أديكي شنطة أو غيره".

ردت بسمة وهبة: أنا مقولتش حاجة عنك وفيه ورق مع المحامي، ولا طلع من بوقي إن خالد حرامي ولا قولت إن هو اللي سرق المجوهرات وراجعي الورق بتاعي مع المحامي وكلامي".

تابعت شاليمار:"انتي اتهمتي خالد إن هو السارق وهو الحرامي، طيب متصلة ليه، أنا خلال 14 سنة معرفتي بعمر زهران مقابلتكيش ولا مرة ولا أعرفك، ولا اظن إن عمر يعرفك أصلا، وحضرتك متصلة ليه؟".

قالت بسمة وهبة:" بكلمك عشان عايزة أخلص الموضوع ده، لأن عمر بيموت في السجن".

شاليمار: "يرجع المجوهرات ويقول مين شريكه وأنا هتنازل حاضر، وطبعا له شريك لأن مش معقولة عمر هيسرق كل المجوهرات دي، دي تكفيه ليوم الدين، مش معقولة خدها لوحده، مش معقولة واحد يسرق روليكس وكارتيه وبيجيه، لازم يبقى حد معاه علشان يعرف يخرج الحاجات دي بره البلد".

شاليمار: "طلعتي قولت خالد حرامي، هو انتي علشان تدافعي عن عمر تطلعي تقولي خالد حرامي، يعني علشان تدافعي عن واحد تخربي بيت، عايزة تخلص القصص دي اطلعي قولي على الهوا إن فلان وفلان هما اللي مدبرين لخالد يوسف القصة دي علشان يحاولوا يلبسوه القصة دي، روحي خلصى القصة دي وأنا أتفاهم معاكي يا بسمة، ومتخلنيش أفتح في قصصك والكلام اللي اتقالي عليكي من ناس كتير".

وأضافت شربتلي: "على فكرة أنا عامله لخالد توكيل عام بيع وشراء بأملاكي كلها من سنة 2014، بمالي وما أملك لأنه راجل محترم، مش راجل حرامي زي ما قولتوا، إنتي قولتي على خالد حرامي وبتاع أفلام إباحية، مع إن مفيش حد جه جنبك يا بسمة، وأنا مبحبش أتكلم في أعراض مع إن قصصك كتيرة يا بسمة وأنا اعرف عنك حاجات كتيرة".