أصالة نصري تطرح أغنية سورية جنة احتفالا بتحريرها (فيديو)

 أغنية سورية جنة ، أصالة نصري تطرح أغنية سورية جنة احتفالا بتحرير سوريا، وداعمًا لشعب بلدها سوريا، وذلك عبر حسابتها الرسمية، وموقع نشر الفيديوهات الشهير يوتيوب.

وفي هذا الصدد حرص الأيام المصرية على مشاركة متابعيه تفاصيل حول أغنية سورية جنة للمطربة السورية أصالة نصري.

وكتب أصالة نصري نصًا تعرب من خلاله عن شعورها المختلط تجاه أحداث سوريا وكتبت التالي: -

نحنا كل أهل سوريا بنشبه أهل الحارة اللي بكل العالم ما في من هيك حارة. الناس فيها مخلوطين من ديانات مختلفة وثقافات مختلفة، وبساطة وشهامة ومحبة وتسامح. وما في شيء حيخلينا نتجاوز ونكبر ونحقق ونعلو غير التسامح.

ومارح نقول "مو وقتها، لسه الجرح طازه!" رح نقول: نحنا أهل سوريا العظيمة الطيبة، سوريا التاريخ اللي بيعشقها شعبها ودفع دمّه فداها.

ما بدنا نكمل مشوار كله دم وكله قهر. بيرجعنا أكتر وبيقهرنا أكتر لأننا بالآخر هون عنا أهل وحبايب.

هون عنا أهل وحبايب وبدنا نتوحد وبدنا نعمر هالبلد الحلوة، اللي ما في أحلى من ترابها وشجرها وبيوتها وأهلها الطيبين الحناين.

راهنت وبراهن على نجاحنا وإنه الوجع وقف وإنه الفرقة وقفت. ومن هون رح نبدأ. مارح نتطلع على الماضي. كل واحد فينا رح يعمل شغله، ورح نتأمل خير.

ورح نتطلع بالله ورح نترجاه. ما بقى بدنا وجع. بدنا كلنا نكمل بعض.

بدنا سوريا تلحق وتعمر وتكمل وتسبق. بدنا سوريا ما فيها ظلم، ما فيها خوف. فيها الياسمين بيغوي، وشجر الحور عم يطول.

ونزرع نرجع شجر من القهر، ما كأنه مات قد ما هو انتحر.

بدي أقعد على كرسي بساحة من ساحات الشام عند بياع الصبارة. بدي أشتري فستق حلبي من كل البياعين على طريق الربوة.

بدي شوف سوريا عروس، وكلنا نحنا أهلها. وبدنا هالعروس اللي تعثرت وتقطعت وتنتفت. نرجع لها جمالها.

وليرجع كلنا بدنا نحبها. بدها حب، ما بقى بدها ولا نقطة دم. بدها فرح، بدها أمل، بدها ثقة، بدها سحر.

والله بيقدر يمسح على القلوب بالتجاوز، ونسمو ونعلو ونبني.

بعرف إنه كتير صعب، بس نحنا أهل الصعب.

بدنا نهتم بصغارنا اللي شافوا الويلات وصار بدهم قد الكون كله رعاية واهتمام.

كلّي أمل وكلّي ثقة. نحنا لقدام ورح نكون، وما بقى نقبل ما نكون. رح نبنيها بالحب، لأنها بس بالحب رح تعمر ورح تعمر.

فريق عمل أغنية سورية جنة

كلمات : بتول زيدان - يارا أحمد
لحن و توزيع : علي حسون
مكس وماستر : جاسم محمد
مدير الشؤون الفنية : أ/طوني سمعان
منتج منفذ : أ/ انس نصري
اشراف عام : أ/ فائق حسن

كلمات سورية جنة

انته سوري حر 
سورية جنة
والفرح سوري
يا ياسمينة 
معانقه الجوري
منكتب ع حيطانك منحبك
يا وطني الغالي منحبك

سوريا وحدة وللكل
من هالارض ما منفل
مافي حدا يفرقنا
منراهن ع وحدتنا
من الاول قلنا ومنعيد
والأرض لشعبا بتضل

النا الارض النا الدار
و ال بيحبو بلادي كتار
بهمتهن منعمرها
ومنجبر بيخاطرها
منقلبها أحلى جنة
ومثلها  بهل الدنيا ما صار
ارفع راسك فوق
انته سوري حر