نهلة سلامة: الستات بقت كتير أوي.. ومعنديش مشكلة أكون زوجة تانية (فيديو)

تصدرت الفنانة نهلة سلامة التريند ومحركات البحث على جوجل، بعد تصريحاتها الصادمة عن قبولها فكرة الزوجة الثانية، وكواليس زواج خطيبها من أخرى.

ويحرص موقع الأيام المصرية، على رصد أبرز تصريحات الفنانة نهلة سلامة خلال الساعات القليلة الماضية.

تصريحات نهلة سلامة عن الزوجة الثانية

كشفت الفنانة نهلة سلامة في تصريحاتها ببرنامج قعدة ستات مع الإعلامية مروة صبري، أنها لا تمانع أن تكون زوجة ثانية، خاصة وأن عدد الستات تضاعف وأصبح أكثر من عدد الرجال.

وقالت: أنا حاليا ممكن أبقى زوجة تانية، والزوجة التانية مش خطافة رجالة، الستات هتعمل ايه يعني، الرجالة بقيت قليلة والستات كتيرة فطبيعي يبقى فيه زوجة تانية".

وأضافت: شايفة الزوجة التانية حلوة علشان مجربتهاش قبل كده، عايزه أجربها قريب، ومش هتجوز في السري لازم يقول لمراته الأولى إننا هنتجوز، ولو عرفت وزعلت فدي مشكلتهم مع بعض متخصنيش، ودي مشكلته مع مراته يمكن هو مسيطر والدنيا تمشي حلو".

نهلة سلامة تكشف عن سبب زواجها من محمد خان

تحدثت الفنانة نهلة سلامة عن السبب الذي جعلها تتزوج من المخرج محمد خان، نافية الشائعات التي تردد حول زواجها منه بسبب الماديات.

وقالت: أنا أتجوزت محمد خان وأنا في عز نجوميتي، يعني مكنتش محتاجة فلوس، أنا أتجوزته عشان كان مخرج عبقري وشخصيته تحبي إنك تنتمي له، هو مبهر جدا في اللوكيشن وعنده شخصية وجامد وفنان جدا، كان بالنسبة لي حلم، وهو جه قالي إنه بيحبني وعايز يتجوزني، رغم إن كان بينا فرق سن 20 سنة".

تابعت أنها برج الجوزاء وليست لها شخصية ثابتة، بل تتبدل تصرفاتها حسب الموقف، قائلة: أنا برج الجوزاء يعني كل حاجة وعكسها، زمان كنت مخطوبة لواحد وراح اتجوز واحدة تانية واحنا مخطوبين، كان عايز يتجوزنا احنا الاتنين، انهارت نفسيا لأني كنت بحبه وهو كان من خارج الوسط، وانتقمت منه بإني اتجوزت، وده انتحار برضو بطريقة مختلفة".

أضافت: مامته يوم جوازه راحتلي المسرح كان عندي عرض كيمو والفستان الأزرق مع النجم يحيى الفخراني، وعشان أنا كان بيني وبينها خلافات في فترة الخطوبة حبت تضايقني، جاتلي المسرح وطلعتلي صوره وقالتلي أهو اتجوز وسابك، كان هيغمى عليا اليوم ده ومش عارفة ازاي قدرت أمثل وأقف على المسرح، مامته كانت بتغير مني جدا، وهو قالي أنا لسه بحبك وعايز اتجوزك زوجة تانية وجوازي كان علشان أرضي أمي".

أشارت نهلة سلامة إلى أنها تزوجت بعد زواج حبيبها من أول شخص تقدم للزواج منها، وكانت هذه أغرب زواجة في الوسط الفني، حيث استمرت لدمة 48 ساعة، فقط لتنتقم من حبيبها.

نهلة سلامة تعلن زواجها قريبا من رجل متزوج

أشارت نهلة سلامة في تصريحاتها التلفزيونية، إلى أنها ستتزوج الفترة القادمة من شخص متزوج، ولا دخل لها بأي أزمات قد تحدث بينه وبين زوجته الأولى.

وقالت: هتجوز من واحد من خارج الوسط الفني، ومليش علاقة بالمشاكل اللي هتحصل بينه وبين مراته الأولى، وهو مسيطر".

وتابعت: مش لذيذة فكرة إن جوزي يتجوز عليا، أكيد أحب طبعا إن جوزي يبقى ليا لوحدي، لكن برضو بقول ممكن الحكاية تبقى لطيفة، معايا شوية ومعاها شوية، يخفف شوية".

شروط نهلة سلامة لتكون زوجة ثانية

أكدت نهلة سلامة أنها لم تحدد حتى الآن شروطها للقبول بالزوجة الثانية، وأنها لم توافق حتى الآن على الشخص الذي يسعى للزواج منها.

وقالت: أنا لسه بفكر في الموضوع فبالتالي لسه مفكرتش في الشروط، ولسه موافقتش على الجواز منه، لكن لفت نظري بشخصيته، لما قولتله مراتك مش هتوافق، فقالي لا هتوافق طبعا متوافقش ليه، فعجبتني شخصيته".

نهلة سلامة: ابني بيغير عليا جدا

قالت نهلة سلامة أن ابنها يشعر بالغيرة الشديدة عليها، في حال تقدم للزواج منها أي شخص، موضحة أنه يبلغ من العمر حاليا 23 عاما.

وتابعت: ابني بيغير عليا جدا، وأنا طول الفترة اللي فاتت مش بفكر في الجواز علشان يهمني أوي إن ابني يوافق ويبقى حابب ويبقى فيه بينهم علاقة لطيفة حتى من قبل الجواز".

نهلة سلامة: ابني عمره ما عاش مساكنة رغم إنه عايش بره مصر

أكدت نهلة سلامة أن ابنها لم يخوضا تجربة المساكنة رغم أنه يعيش بالخارج، موضحة أنه تزوج من فتاة وقع في حبها، تقدم للزواج منها وبالفعل تم الزواج.

لا يفوتك

"تعالوا العزا طز في الفساتين والاطلالات".. مروة صبري توجه رسالة نارية للفنانين في الجونة

وقالت: ابني الحمد لله متدين وملتزم، وربنا وفقني ووفقه اتعرف على بنت وحبوا بعض واتجوزوا، وبسافر أقعد معاهم شوية وشوية عند أهلي، لكن لما يخلف هأبقى أعيش معاهم، ونفسي جدا أبقى جدة، لأني حماة طيبة جدا".