ياسمين عز لـ السيدات: متنسيش تفعلي صوتك الشتوي وانتي بتضبطي التوقيت النهارده ومتبقيش مسترجلة
وجهت الإعلامية ياسمين عز، نصيحة للسيدات، عند القيام بتفعيل التوقيت الشتوي الليلة، وإلغاء التوقيت الصيفي.
وقالت ياسمين عز، خلال حديثها ببرنامج "كلام الناس"، المذاع على قناة إم بي سي مصر: "وانتي بتظبطي التوقيت الشتوي النهاردة ما تنسيش تفعلي صوتك الشتوي والنعومة والأنوثة معاكي بالمرة".
ياسمين عز: نجاح الزواج عايز راجل عنده طاقة ذكورة عالية
وأضافت: "أي علاقة حب أو زواج بتنجح أما يكون الراجل عنده طاقة ذكورة عالية والسيدة عندها طاقة أنوثة عالية، لما الست يكون عندها 80% أنوثة و20% ذكورة، لو زادت هتكون ست مسترجلة".
وتابعت: "طاقة الأنوثة عند السيدات بتتمثل في النعومة، الصوت الهادي الناعم، الصوت الشتوي اللي أنا اخترعتهولك، وهو نابع من أنك أنثى وناعمة".
وأكملت: "النعومة مقصود بيها الرعاية، الحب، الاهتمام، الإبداع، الخيال، وتكون صفاتك كلها أنثوية".
وواصلت: "أما طاقة الذكورة تعني أن تكون قوتك للسيدة، وتكون بتسخرها ليها، من خلال العقل، التفكير، الطموح، الحماية اللي بتخلي الراجل ناجح في حياته، الصوت القوي، الاحتواء، الثبات الانفعالي، لازم يكون قادر يتعامل مع كل المواقف".
ياسمين عز: الراجل لازم تكون الكلمة كلمته والشورة شورته
واختتمت: "الراجل لازم تكون الكلمة كلمته والشورة شورته، لكن في ستات بتكون شخصيتها قوية وهي اللي كلمتها بتمشي، لو بتعملي ده غصب عنك يبقى أنتي صح، لكن لو ده بإرادتك يبقى أنتي السبب في اللي جرالك واللي هتوصليله، أنتي كدا خدتي دور الراجل".
