أحمد موسى عن أسدين قصر النيل: ليه أي حاجة تتعمل في البلد يتقال عليها عكس المطلوب

علق الإعلامي أحمد موسى، على ما تم تداوله خلال الساعات الماضية عن طلاء أسود كوبري قصر النيل.

وقال أحمد موسى، خلال حديثه ببرنامج "على مسئوليتي"، المذاع على قناة صدى البلد: "ليه أي حاجة بتتعمل في البلد بيتقال عليها بتتعمل عكس المطلوب؟ بنتكلم عن المقابر يقولوا الحقوا بيهدوا آثار، بنتكلم عن حديقة الأورمان يقولوا الحقوا بيقطعوا الشجر العتيق، وأسود قصر النيل دهنوهم بالأسود".

وأضاف: "بعتنا نصور في كوبري قصر النيل، عشان نشوف حصل إيه وحقيقة اللي اتقال الأيام اللي فاتت، الأسود موجودة وإحنا مش أول مرة نعمل صيانة".

وتابع: "الأسود كانت مليانة تراب، دايما في حرص على ترميم هذه الآثار، وحتى تبقى رمز شامخ، لكن فيه ناس كاتبه على الأسد كلام ميتكتبش، اللي كاتب أبو ملك واللي كاتب أبو مش عارف إيه، واللي راسم قلب، كلها حاجات متنفعش نهائي".

وأثارت صور صيانة تماثيل أسود كوبري قصر النيل ردود فعل غاضبة على مواقع التواصل الاجتماعي، حيث عبر الكثيرون عن رفضهم للطريقة التي تم بها طلاء التماثيل، وذلك بسبب استخدام طلاء اللاكيه، الذي يتميز بلمعانه الشديد والذي من الممكن أن يفقد التماثيل رونقها الأصلي وطابعها التاريخي.