أحمد موسى: إحنا أحرار نحتفل بنصر أكتوبر في أي وقت
علق الإعلامي أحمد موسى، على احتفالية اتحاد القبائل العربية والعائلات المصرية، الذي حضره الرئيس عبد الفتاح السيسي، في العاصمة الإدارية بالأمس.
وقال أحمد موسى، خلال حديثه ببرنامج "على مسئوليتي"، المذاع على قناة صدى البلد: "شهر أكتوبر هو شهر الانتصارات، وإحنا بنحتفل بأكتوبر طول السنة، وهو بالنسبة لنا مش يوم 6 فقط، وبنتكلم عليه في أي يوم".
وأضاف: "إيه اللي بيزعل أننا نحتفل بانتصار أكتوبر طول السنة؟ ده يزعل حد؟ إلا العدو بس اللي أحب أضايقه وأزعله كله يوم، ده انتصاري وأحتفل بيه في أي وقت أنا عاوزه".
وتابع أحمد موسى: "إحنا مش بننسى أكتوبر، هذا هو الانتصار الحقيقي اللي عملناه وجيشنا العظيم عمله، ويارب يدينا العمر نحتفل كل سنة، متزعلوش إننا احتفلنا إمبارح وكل يوم نحتفل".
وكان الرئيس عبدالفتاح السيسي، قد قال خلال حديثه باتحاد القبائل العربية، إن حكاية أكتوبر حكاية ملهمة لا تنتهي ، وأن نصر أكتوبر كان وراءه إرادة شعب كامل تحدى التحدي نفسه.