أحمد موسى يحذر المواطنين: انتو نسيتوا شهدائنا ولا ايه.. متخلوش حد يضحك عليكم
حذر الإعلامي أحمد موسى، من دعم الميليشيات أو الانسياق وراء أهدافهم الخبيثة، قائلا إن مصر دفعت ثمنا غاليا لبناء الدولة المستقرة الآمنة.
وقال أحمد موسى، خلال حديثه ببرنامج "على مسئوليتي"، المذاع على قناة صدى البلد: "هو إحنا نسينا اللي كان بيهددنا وبيهدد جيشنا، أنا مبنساش أبدا اللي كان معانا ووقف ضدنا، لو أنتوا نسيتوا".
وأضاف: "إحنا كنا بنعرض تهديدات، إيه اللي اتغير؟ ده في ناس كانت بتفرح، كان في ناس تقول حق شهدائنا فين؟ إيه اللي بيحصل يا جماعة؟ الناس البوصلة بتاعتها راحت فين".
وتابع: "إحنا دفعنا تمن غالي أوي، هل هنقدر نرجع واحد من أبطالنا تاني لعيلته، خلي بالكم ومحدش يضحك عليكم، الميليشيات تدمر الأوطان، في ميليشيا يعني في خراب وإرهاب لكن محدش يكون معاه السلاح غير المؤسسات المسموح ليهم فقط".
وأكمل موجها حديثه للمواطنين: "حافظوا على بلادكم وخدوا بالكم من اللي بيحصل اليومين دول، وأنا بحذر من الخطر ده، لا تنساقوا ولازم تبقى عارف مين يدافع عنك ومين يخونك في أي وقت".
