جوزى بيخونى ومش عارفه أعمل أيه.. رمضان عبد المعز: هيرجع يبوس رجلك
جوزى بيخونى ومش عارفه أعمل أيه، تساؤل تطرحه كثير من السيدات عبر منصات التواصل الاجتماعي ومحركات البحث أملا في الوصول إلى إجابة شافية .
وفي تصريحات سابقة ببرنامج "لعلهم يفقهون"، المذاع على قناة دي إم سي كشف الشيخ رمضان عبد المعز، أحد علماء الأزهر الشريف، عما يجب أن تفعله المرأة إذا علمت بخيانة زوجها لها مع واحدة أخرى، والطريقة الصحيحة لإرجاعه.
وقال رمضان عبد المعز: "اللي عايز يطعن أنثى يطعنها في الجزء ده، أنه زوجها يروح مع واحدة تانية وتاخده منها، لكن اوعي تسيبه ليها، أنتي أولى بجوزك ده أول فرحتك وهو اللي هيجوز بنتك".
وأضاف: "حافظي على جوزك بكل ما أوتيتي من قوة خدي حبوب الشجاعة وصلي ركعتين واذكري ربنا، وقولي قويني يا رب أحسن استقباله واصبري ربنا هيكافئك على صبرك، لكن اوعي تديله ضهرك وتسلميه لواحدة تانية على طبق من فضة".
رمضان عبد المعز لـ السيدات: حافظي على بيتك الصبر كله خير
وتابع في نصائحه للسيدات "حافظي على بيتك، الصبر كله خير وضياء، وادعي ربنا يرده إليكي رده ردا جميلا وينور بصيره، وأن ربنا ميكسرش بخاطرك، ربنا يقلب القلوب كيفما يشاء".
وأكمل: كلمي زوجي قوليله أنت حبيبي الأولي وأبو عيالي وأنك مش هتقفلي الباب في وشه، وتأكدي أنه هيرجع ليكي ويبوس رجلك كمان، فما ظلم عبد مظلمة صبر عليها إلا زاده الله بها عزة".
