مدبولي: الكهرباء مش هتقطع تاني.. ومفيش رجوع لتخفيف الأحمال .. اعرف التفاصيل

 صرّح الدكتور مصطفى مدبولي، رئيس الوزراء: "أكيد متابعين الأخبار اللي بتتكلم عن تعاقدات الدولة المصرية على شحنات كبيرة من الغاز، الزيت، أو المازوت. 

وظهرت إشاعات إن في سبتمبر ممكن الحكومة ترجع تقطع الكهرباء مرة تانية، زي ما أعلنوا قبل كده. طبعاً الكلام ده أثار قلق الناس، خصوصاً لما بدأوا يسمعوا إن في مناطق زي القاهرة ممكن الكهرباء تنقطع فيها لمدة ساعة أو ساعتين"،  وينقل لكم موقع الأيام المصرية كافة التفاصيل في السطور التالية.

خطة الحكومة لتأمين الكهرباء

الدكتور مصطفى مدبولي أكد إنه تم تقييم الوضع مع نهاية الصيف، وأضاف إن الحكومة مش ناوية ترجع لتخفيف الأحمال مع نهاية 2024 وبداية 2025. ووضح إن الاجتماعات اللي حصلت في الشهرين اللي فاتوا مش بس كانت عشان شحنات الصيف، لكن كمان عشان تأمين كل احتياجات الدولة من الوقود لفترات أطول، وأكد للمصريين: "الكهرباء مش هتقطع تاني.. ومفيش رجوع لتخفيف الأحمال".

مكافحة سرقة الكهرباء

وزير الكهرباء اجتمع برؤساء شركات التوزيع لمتابعة خطة القضاء على سرقة التيار الكهربائي. وفي سياق متصل، قال رئيس الوزراء: "فاكرين لما الكهرباء بدأت تقطع بشكل متكرر، وقررنا نوفر 1.180 مليار دولار لتغطية احتياجاتنا من الوقود في الصيف؟ دلوقتي المبلغ زاد لـ 2.5 مليار دولار لضمان استمرارية الكهرباء"، وأكد إن الحكومة شغالة على تأمين الشحنات الضرورية وإدارة المنظومة لضمان عدم انقطاع الكهرباء مرة أخرى.

استثمارات في الطاقة المتجددة

الحكومة بتسعى لإضافة 4 جيجاوات من الطاقة المتجددة، سواء طاقة شمسية أو طاقة الرياح، في السنة القادمة. وفي اجتماع مع وزير الكهرباء ووزيرة التخطيط، ناقشوا تأمين استثمارات إضافية لتحسين كفاءة شبكة التوزيع والنقل لتستوعب الطاقة الجديدة، خصصت الحكومة 7 مليارات جنيه لوزارة الكهرباء لمشاريع تمتد حتى الصيف القادم. كما تم التأكيد على أهمية تسريع الربط الكهربائي بين مصر والسعودية لتبادل الأحمال في أوقات الذروة.

التحكم في مزيج الوقود

أكد الدكتور مصطفى مدبولي على أهمية التعاون بين قطاعي الكهرباء والبترول لزيادة كفاءة توليد الطاقة باستخدام مزيج من الغاز والمازوت.

 وأشار إلى أن الحكومة بتبذل جهوداً كبيرة في هذا المجال لضمان استمرار الإمداد بالكهرباء.

مواجهة سرقة الكهرباء

ظاهرة سرقة التيار الكهربائي تعتبر من المشكلات الكبيرة اللي بتواجه الحكومة حالياً.

 مدبولي أوضح إن "لو نص السرقات دي توقفت، هنقدر نحل المشكلة بشكل كبير". ووجه رسالة لكل مواطن بضرورة الإبلاغ عن أي سرقة للكهرباء للقضاء على الظاهرة.

قرارات الحكومة السابقة بشأن تخفيف الأحمال

مجلس الوزراء أصدر قرارات عديدة بوقف خطة تخفيف الأحمال، بدأت مع امتحانات الترم الأول واستمرت حتى رمضان وعيد الفطر، لكن الظروف تغيرت بعد نقص الغاز في فصل الصيف، لكن نجحت الحكومة في تأمين شحنات الغاز الكافية لتشغيل محطات الكهرباء، مما يعني إن الفترة القادمة مش هيكون فيها أي تخفيف للأحمال.
 

ورصد فريق تلفزيون الأيام المصرية كافة التفاصيل الخاصة بوزارة الكهرباء.