الحمد لله إن أبويا ماشافش اليوم ده.. خالد الجندي يهاجم صاحب فتوى إباحة سرقة الكهرباء
هاجم الشيخ خالد الجندي، الأستاذ بكلية التربية في جامعة الأزهر، الذي أفتى بإباحة سرقة الكهرباء والمال العام للمواطنين، قائلا: "بيؤمر الناس بسرقة مصر".
وقال خالد الجندي، خلال حديثه ببرنامج "لعلهم يفقهون"، المذاع على قناة دي إم سي: "رغم وجوده في مكانة مهمة، لكن بيقول للناس اسرقوا، ودماغه غابت خالص وهو عارف أنها سرقة".
وأضاف: "الغريب، والله العظيم شيء يجنن، أنه يقول لهم: أنا بقول لكم اسرقوا، يعني هو الرجل دماغه غابت خالص لدرجة أنه عارف أن اسمها سرقة".
خالد الجندي يهاجم الأزهري صاحب فتوى بسرقة الكهرباء
وتابع: "الحمد لله إن أبويا انتقل للأخرة قبل ما يشوف الكلام ده، ده كلنا تربينا على الحلال مهما كان الثمن، وكانت الحالة فقيرة جدا، لكن ده لو اتربى على الحلال مكنش يقول للناس اعملوا الحرام، كلمة حرامي يعني بيعمل حاجة حرام فسمي بهذا الاسم، وطالع بيعترف بكده ويقول للناس اسرقوا الكهرباء".
وأكمل خالد الجندي: "تخيل لما واحد طالع بيعترف أنها سرقة ويقول لهم أنا بقول لكم اسرقوا، اسرقوا كهرباء، يعني أنت عارف أنها سرقة وعارف أنها حرام، طب أنا بقى عاوز أسأل، لو في الإسلام قطع يد السارق، اللي بيحرض على السرقة ويفتي بها، ده وضعه إيه؟ يعني كم قطعة تتقطع من جسمه؟ مثل هذا في الحدود، لو كانت مطبقة".
