"منشور غير برئ".. أمريكا تغازل مصر: "منورة بأهلها"

نشرت الصفحة الرسمية للسفارة الأمريكية بالقاهرة، عبر موقع التواصل الاجتماعي فيس بوك صورًا لخريطة مصر تم التقاطها من من الفضاء، حيث تقول في نوع من المغازلة "مصر منورة بأهلها".

الأمر أثار دهشة كثير من المراقبين في ظل توتر العلاقات بين مصر والولايات المتحدة الأمريكية على خلفية الانصياع الأمريكي الكامل لصالح الاحتلال الإسرائيلي لوقف العدوان على قطاع غزة.

وفي هذا الصدد يعلق الكاتب والباحث السياسي محمد صلاح، عبر صفحته الخاصة على موقع التواصل الاجتماعي فيسبوك: من شوية نشرت السفارة الأمريكية بالقاهرة البوست ده ومدعم بالصورتين دول ، والناس في التعليقات بتقول ده ايه الغزل الحلو اللي في مصر ده".

وأضاف صلاح قائلًا:" بس ده مش غزل حضرتك، دي رسالة ضمنية ، وبتقول فيها ، صحيح انتوا قفلتوا مجالكم الجوي في وجه الطائرة الشبحية الأكبر في العالم، وقدرتوا ترصدوا اختراقها لمجالكم الجوي ، لكن أنا أقدر أوصل للي أنا عايزه بالقمر الصناعي". 

وتابع: “جايب لك بيان على المعلم كمان، الخريطة، أماكن التواجد السكاني، إزاي المدن بتتوسع، ازاي بتستهلك طاقة، والرسالة هنا هي القدرة على رصد التحركات والتغيرات اللي بتحصل على الأرض مهما قفلتوا ومهما داريتوا ، ليه؟! ، لان من الفضاء المسافات بتصغر حضرتك!”.