عمرو سعد: القتل والخمر والزنا حرام وبنعملهم في التليفزيون لأخذ العبرة (فيديو)

عمرو سعد، كشف الفنان عمرو سعد تفاصيل عن تصوير مشهد نزوله القبر، ضمن أحداث مسلسله سيد الناس الذي شارك من خلاله في موسم دراما رمضان 2025، موضحًا أنه لم يكن ضمن سيناريو العمل، ولكن طلب من المخرج محمد سامي، أن يقوم بأداء هذا المشهد بشكل حماسي، وكشف أيضًا عن رفض جهة الإنتاج لتصوير هذا المشهد خوفًا من الوقع في فخ الحرمانية.

جاء ذلك خلال ظهوره في برنامج يحدث في مصر مع الإعلامي شريف عامر، احتفالا، بنجاحه في موسم دراما رمضان 2025 بمسلسل سيد الناس.

عمرو سعد :أنا اللي طلبت أفتح القبر على إبني والإنتاج والمخرج رفضوا

كشف عمرو سعد كواليس تصوير مشهد نزوله القبر، قائلًا: "أنا مبتفرجش على نفسي أوي، ولما بتفرج على نفسي بستغرب، الفكرة جاتلي فجأة، ودخلت على المخرج محمد سامي متقمص شخصية الجرحي وشعوره تجاه موت ابنه، وطلبت منه إني عايز أفتح على الواد القبر، علشان أنا قولت في المسلسل عايز أغسل إبني و أدفنه، ومش هقدر أكمل إلا لما انتصر لوداعه".

واستكمل، قائلًا: "محمد سامي اتخض من طلبي، بس أنا أكدت عليه أنه لازم يتصرف ويكتب المشهد، وهو قال أنا معاك نعمله، ومشرف الإنتاج رفض المشهد تماما".

وأضاف، قائلًا: "اتبنى ديكور مخصوص للمشهد، وبعدها تراجعوا فيه، وأنا قولتلهم متخافوش أنا هعملكم مشهد محدش هيعترض عليه من الشيوخ، لأنه المشاعر هتكسر كل الحاجات دي".

عمرو سعد: القتل والخمر والزنا حرام وبنعملهم في التليفزيون لأخذ العبرة

وعن حرمانية مشهد القبر، قال: "كلمنا شيخ كبير، وقال إنه حرام، فأنا قولتلوا يا مولانا ما القتل والخمر والزنا حرام وبنعملهم في التليفزيون لأخذ العبرة، ثم أنه مش حرام هو حاجة مختلف عليها الآراء".

واستكمل، قائلًا: "قررنا نصوره ونشوف، وفضلت حاطط إيدي على قلبي لحد ما سلموا الحلقة، كنت قلقان لإني خرجت فيه مشاعر حقيقية جدا، وصورناه من غير ورق، ومحمد سامي قالي أنا مش هكتبه، أنا هحطلك الكاميرات وأنت اعمل المشهد".

عمرو سعد: أخويا بيتوصي بيا في شغلي 

وفي سياق متصل، تحدث عمر سعد عن مساندة أحمد سعد له في أعماله قائلًا: "أحمد أخويا بيتوصى لما بيغني حاجة ليا، زي شغل المعلم لابنه، وبينزل على الهوا يعمل الأغاني، وكان بيغنيلي الأغاني قبل المشهد عشان أجهز للتصوير".