بالقلم والشلوط.. مدير مدرسة يعتدي على طالبة في مدرسة بشبراخيت بالبحيرة |فيديو
تداول رواد مواقع التواصل الاجتماعي فيديو يظهر واقعة اعتداء مدير مدرسة كفر مستناد الصناعية بنات في مركز شبراخيت بمحافظة البحيرة، على طالبة "بالشلوط والأقلام" في وسط فناء المدرسة دون معرفة السبب وراء ذلك.
مدير مدرسة يعتدي على طالبة في مدرسة بشبراخيت بالبحيرة
بدأت الواقعة عندما طلب مدير المدرسة من الطالبة الدخول إلى فناء المدرسة بعدما كانت متجهة للخروج مع زميلاتها، وعند الاقتراب منها، بدأ المدير في ضرب الفتاة "بالشلوط والأقلام" وسط محاولات من زميلاتها لإبعاده عنها.
وصرخت الفتاة المعتدى عليها من المدير، أثناء ضربه لها، قائلة:" انت بتضربني عشان هترفد من المدرسة".
ولم تصدر المدرسة أو مديرية تعليم البحيرة أي تفاصيل بشان هذه الواقعة حتى هذه اللحظة.
وعلق عدد كبير من رواد مواقع التواصل الاجتماعي على هذه الواقعة بين الداعمين لموقف المدير والرافض له.
وقال أحدهم:"رغم قلة أدب الاجيال إللي طالعة شباب وبنات إلا من رحم ربي بس برده ميدلوش الحق إنه يضرب فتاة بالطريقة دي وخصوصا ده ممكن يسببلها مشاكل نفسية وهو في نفس الوقت بيئذي نفسه كان ممكن يتبع إجراء مختلف عن كده يستدعي ولي أمرها فإن لم يستجب ولي الأمر بالاستدعاء يفصلها أسبوع مثلا أو عشرة أيام".
وأضاف آخر:" لو غلطوا برضوا مالوش حق يمد ايدة عليهم بالاقلام والشلاليت ممكن في انواع عقاب تانية والبنات ليها اهل هيعقبوهم لو الغلط يستحق المهزله اللي حصلت ده وبعدين اكيد المدرسات فيها مدرسات فينهم ليه هوه يعاقب بالطريقة ده وقله الادب ده دا عامل ذي واحد شرطة بيعاقب مجرم محترف".
وتابع آخر:" فى قانون ولوائح ونظام وضعت لاجراءات العقاب البنات او الطلبة عموما ليهم طرق محددة وضعتها اللوائح للعقاب أما المدرس والمدير ليهم نظام لأتخاذهم اجراءت العقاب . لو كل واحد التزم بما له وما عليه الدنيا هيتصلح حالها مش كل واحد يعمل قاضى وجلاد وكل واحد يطبق العقاب اللى شايفه من وجهه نظره . لو الطالب عرف انه خارج من بيته بس لتلقى العلم والمدير نازل من بيته لتطبيق النظام لتسهيل العملية التعليمية والمدرس نازل من بيته للشرح و لتوصيل المعلومة وكل واحد التزم بما عليه قبل ما هو له العملية التعليمية كلها هتطور فعلا ومش هنشوف المهازل دى من الطلبة ولا المسئولين".
