رقص مي القاضي في العتاولة.. الفنانة: قعدت 5 شهور بتمرن عشان جسمي يفك|فيديو

رقص مي القاضي العتاولة .. أثارت الفنانة مي القاضي حالة من الجدل الواسع على مواقع التواصل الاجتماعي وذلك بعد تقديمها وصلة رقص في أحداث مسلسل العتاولة الجزء الثاني.

وكشفت الفنانة مي القاضي في تصريحات لها، عن كواليس مشاركتها في مسلسل العتاولة 2 قائلة: “ انا بعمل دور غريب عليا اوي في العتاولة 2 ، بلعب دور شر اوي، هتشوفوا مفاجأة”.

وعن علاقتها بالفنان احمد السقا، قالت: “احمد السقا وشه حلو عليا ، مثلت معاه في خطوط  حمرا، وكانت أول مرة امثل اصلا بس المرادي الدور مختلف خالص بس بنفس اللذاذة ونفس الجدعنة ونفس البساطة”.

مي القاضي: قعدت خمس شهور بتمرن على الرقص عشان جسمي يفك واعرف ارقص

وأوضحت القاضي تفاصيل تحضيرها لدورها في مسلسل العتاولة 2، قائلة: “عشان اجهز للدور قعدت خمس شهور بتمرن عشان اعرف ازاي ارقص اصلا ، انا كانت فكرتي عن الرقص صفر وده اللي محدش يتخيله، يعني حتى الأغاني اللي بترقص أنا مكنتش بسمعها ومكنتش اعرفها، خمس شهور بتمرن عشان جسمي يفك واعرف ارقص، ف الموضوع مكانش سهل خالص”. 

وأضافت مي القاضي: "اتمرنت على الشخصية بشكل كبير عشان اعرف اجيب البنت البلدي اوي ، ولما اتعرض عليا الدور اتخضيت “رقاصة ازاي؟ ، بس انا كنت محتاجة حاجة جديدة عشان انا عملت ادوار كتير للبنت الكيوت الرقيقة والمظلومة ف كنت حابة حاجة جديدة ”.

وتألقت مي القاضي في أداء وصلة رقص رائعة على أغنية "انت الوحش" للمطربين حسن شاكوش وحمادة، مما جعل الجمهور يتفاعل بشكل كبير مع أدائها.

وكان مشهد الرقص الذي قدمته مي القاضي هو نقطة تحول في شخصيتها بالمسلسل، حيث كشفت عن موهبة فنية غير متوقعة، وأشاد نقاد الدراما بأدائها، معتبرين أنها نجحت في الجمع بين الرقي والعفوية.

ومن المتوقع أن مسلسل العتاولة 2 سيواصل تقديم المفاجآت المثيرة، خاصة بعد أداء مي القاضي الذي ترك بصمته القوية، مما يزيد من التوتر والتشويق في الأحداث القادمة.