إليسا وتقابل حبيب.. ملكة الإحساس تبدع في أغنية تتر المسلسل| فيديو
إليسا وتقابل حبيب .. تشارك المطربة إليسا في السباق الرمضاني الحالي 2025، بأحدث أعمالها الغنائية، وهي تتر مسلسل وتقابل حبيب الذي تقوم ببطولته الفنانة ياسمين عبد العزيز.
وكان المؤلف عمرو محمود ياسين مؤلف مسلسل وتقابل حبيب قد أثار حالة من الجدل على مواقع التواصل الاجتماعي بعد نشره على صفحته الرسمية على موقع التواصل الاجتماعي "فيسبوك" منشور يوضح فيه عدم قدرته على منافسة الأعمال الدرامية بسبب سعي الجمهور وراء الأعمال التي تطرح مسابقات وجوائز مالية للمشاهدين.
وكتب عمرو محمود ياسين "بصراحة أنا حاسس إني مظلوم في المنافسة السنة دي.. مسلسلات كتير عاملين مسابقات وجوايز قيمة، والجمهور متفاعل، وأنا لا عندي مسابقات ولا عندي جوايز.. يعني حتى لو فكرت أعمل مسابقة، هسأل إيه، مين بطل المسلسل؟ وأهدي الفايز إيه؟".
وتابع، "أنا كده مش عارف أنافس الصراحة.. بس لما بفكر كده، زمان المسلسلات كانت بتنجح من غير كل ده .. حد فيكم خد عربية لما شاف سوق العصر؟ أو كسب دهب لما تابع ليالي الحلمية؟ النجاح الحقيقي بييجي من الحكاية الحلوة اللي تفضل مع الناس.. ده اللي افهمه ولا الدنيا اتغيرت ولا ايه وانا اللي مش دريان؟".
واختتم، "عشان كده، بجائزة أو من غير، مستني محبي وجمهور الدراما في رمضان مع مسلسل وتقابل حبيب.. لأن الحكاية الحلوة هي اللي بتكسب في الآخر!".
كلمات أغنية إليسا وتقابل حبيب
إليسا وتقابل حبيب .. أغنية وتقابل حبيب من غناء إليسا، وكلمات منه القيعي، والحان عزيز الشافعي، وتوزيع موسيقي نادر حمدي، وتقول كلمات الأغنية:
إليسا وتقابل حبيب
- بتتعلق بناس
- وبتودع في ناس
- وكل مرة تقول خلاص
- لقيت النصيب
- بتقابل حبيب
- وتفارق حبيب
- تتساب
- تسيب
- وبردو تقول نصيب
- بتتعلق بناس
- وبتودع في ناس
- وكل مرة تقول خلاص
- لقيت النصيب
- بتقابل حبيب
- وتفارق حبيب
- تتساب
- تسيب
- وبردو تقول نصيب
- وآه يا قلبي
- مبقتش عارفة أنت الضعيف
- ولا العنيد
- تحلف ماتعدش أوجاعك
- تحلف ما تحبش من جديد
- يا متشعلق
- يا متشعبط
- بقشاية دفا وإحساس
- ياللي الحب اللي بتموت فيه
- ومن غيره وبيه محتاس
- وتقابل حبيب
- وتفارق حبيب
- أعرف منين
- لو الدنيا فاضل فيها
- قلوب لسة بتعرف تحب
- لو العالم مكان أصلا
- ينفع نعيش فيه بطيبة قلب
- لو المكتوب فراق دايما
- ولا فيه حكاية مكملة
- آه يا طيبين يا متعشمين يا أكتر ناس مستحملة.
