أزمة أحمد حلمي في السعودية ..أول تعليق من مصطفى جاد بعد إهانته

احمد حلمي في السعودية .. واجه الفنان أحمد حلمي حالة من الغضب الواسع وذلك بعد انتشار مقطع فيديو تم تصويره أثناء عرض مسرحية "بني آدم" في موسم الرياض، حيث ظهر وهو يمازح الملحن مصطفى جاد زوج كارمن سليمان قائلاً : “انت مصري وقاعد في الصف الأول” وذلك أشعل موجة غضب عارمة على مواقع التواصل الاجتماعي.

ونشر الملحن مصطفى جاد على حسابه الرسمي عبر موقع تبادل الصور والفيديوهات القصيرة “إنستجرام” مقطع فيديو يدافع فيه عن الفنان أحمد حلمي قائلاً : “ انا جاي أتكلم عشان ارد غيبة الراجل المحترم أحمد حلمي .. الموضوع بدء لما زوجتي النجمة الفنانة كارمن سليمان قالتلي يا مصطفى انا نفسي اروح احضر مسرحية بني ادم بتاعت الفنان أحمد حلمي ومكسوفة انا اكلموا .. فـ كلمتوا وروحنا المسرحية وحضرنا المسرحية وحصل الموقف اللي انتوا كلكم شوفتوا جزء منه او شوفتوا الموضوع بعين تانية .. مينفعش حد يزايد على وطنية حد او حد يطلع يقول انا وطني اكتر منك الا اذا كنت انت حاربت وانا محاربتش ”.

مصطفى جاد : انا وحلمي نعرف بعض من 5 سنين

وأضاف مصطفى : “الموضوع ينهيه كله ان انا وحلمي نعرف بعض من 5 سنين اتقابلنا في مناسبة ومن ساعتها واحنا في بينا تواصل ، حلمي نجم كبير وانا بحبه وبحب هزاره ، باختصار انا اقدر اشتري مسرح بس الهزار كان في محله .. المسرحية تأخرت على الناس والناس اتضايقت والراجل بذكاءه وبلطافته طلع ارتجل عشان يهدي الناس ومن ضمن الارتجال نزل بشخصيته اللي بيقدمها في المسرحية للناس وبقى يتكلم مع الناس ويهزر معاهم ”.

مصطفى جاد :  انا عندي المقدرة احجز كل التذاكر لاصحابي وعيلتي 

وتابع : “وجالي وقالي الافيه اللذيذ اللطيف اللي مفيهوش حاجة تهين او تزعل لان الراجل هو اللي عازمني ، الراجل عازم ملحن ومنتج عنده المقدرة انه يقفل المسرح لأصحابه ول عيلته يعني قادر احجز كل التذاكر واخلي اهلي واصحابي كلهم يبقوا موجودين ”.

مصطفى جاد :  انتوا مالكم ومال كرامتي

وأردف : “انا اللي مضايقني في الموضوع ان الراجل لما هزر هزر معايا انا والهزار في حالتي انا مقبول ولذيذ ودمه خفيف بس احنا بقينا بنقابل كل حاجة بعنف هو لانه عازمني ولان شخصيته في المسرحية كلها شر فكان بيهزر .. والسوشيال ميديا كلهم ماسكيني انت ازاي تقبل ده على كرامتك .. انت مالك ومال كرامتي ده واحد صاحبي وبيهزر معايا ”.

وتابع : “انا اللي زعلني ان الراجل ده مشوفتش في حياتي الطف منه ولا راجل محترم بيقدر الناس وبيعاملهم كويس زيه ف لمجرد انه يهزر هزار مش على مزاجك نطلعوا مش بتاعنا .. مبقاش مننا .. مبقاش مصري اصلاً .. يجماعة براحة على بعض الموضوع مش مستاهل الراجل هزر معايا هزار انا تقبلته ”.

واختتم : “وانا زعلان عشان انا بشتغل من 2011 جالي دلوقتي مكالمات من اعلاميين كبار لمجرد ان الموضوع ترند، انا مقدر انه شغلهم بس هو الشغل في المشاكل والترند بس، مش بنقدر المجهود اللي بيتعمل ليه مفيش تغطية صحفية او إعلامية لاغنية من بتوعي كسرت الدنيا ..الدنيا مش مستاهلة اننا ناكل في بعض كده لمجرد ان واحد بيهزر مع صاحبه”.