بعد تعرضه لحادث أثناء التصوير ..تامر فرج يطمئن جمهوره |خاص

طمأن الفنان تامر فرج جمهوره ومتابعيه على تطورات حالته الصحية بعد تعرضه للإصابة أثناء تصوير أحد أعماله الفنية.

وكشف تامر فرج لموقع "الأيام المصرية" في تصريح خاص عن كواليس إصابته وعن تفاصيل أعماله المقبلة.

وتحدث تامر فرج عن إصابته وتطورها، قائلاً: "الحمد لله جت سليمة وكنت بصور في مسلسل اسمه "وش السعد" مع المنتج ممدوح شاهين وهو مسلسل مصري إماراتي".

وتابع: "والمفروض كنت بعمل مشهد في المستشفى إنه أنا في العناية المركزة بعد حادثة حصلت عشان كده بطمن الناس الدم أو الشلفطة اللي كانت في وشي دي من المكياج بتاع الشخصية بس لكن الفتحة اللي في جبهتي أو الجرح اللي في الجبهة هو ده اللي حصل من سقوط وحدة الإضاءة".

وأضاف: "هو كان المفروض بتاع المستلزمات الطبية اللي هو بيحطلنا الحاجات الطبية والحاجات بتاعة المستشفى من ضمن الديكور كان المفروض كان بيبقى معلق وحدة إضاءة اللي هي بتبقى فوق سراير العيانين في المستشفيات وكان معلقها بدبل فيس مش بمسمسار فطبعاً وقعت أثناء التصوير على دماغي وعملتلي فتح في الجبهة  والحمد لله جت سليمة".

وأردف: "وروحت المستشفى عملت إشاعة مقطعية على المخ عشان ميبقاش في ارتجاج ولا حاجة واطمنا إنه الحمد لله سليمة ورجعت حتى بعد كده كملت التصوير بتاعي مفيش مشكلة ودماغي طلعت ناشفة الحمد لله".

تامر فرج في رمضان 2025

وعن تفاصيل أعماله المقبلة، أوضح: “إن شاء الله في رمضان عندي مسلسل مع الأستاذ هنيدي اللي هوشهادة معاملة أطفال" وبعمل فيه دور الطبيب بتاعه اللي اسمه دكتور شهاب ومسلسل "وش السعد" شخصية جلال هو رجل أعمال وصديق للبطل اللي هو محمد صالح نجم الإمارات ومسلسل ظريف جداً معانا آيتن عامر وأستاذ صلاح عبد الله وأستاذ أحمد صيام ومصطفى أبو سريع ومجموعة كبيرة جداً وإن شاء الله هيبقى مسلسل ظريف جداً وهيعترض على قناة النهار وقناة أبو ظبي".