هلا رشدي: الأطفال محتاجة حاجة تزود ثقافتهم وابني موهوب في التمثيل| خاص

الجمعة 31/يناير/2025 - 04:28 م

هلا رشدي .. أقيم افتتاح مهرجان حكاوي الدولي لفنون الطفل، بالأمس وذلك برعاية وزارة الثقافة، حيث تم تكريم الفنانة هلا رشدي وعدد كبيرمن الفنانين لـ مشاركتهم الخاصة بالأطفال.

وكان لـ موقع الأيام المصرية لقاء خاص بالفنانة هلا رشدي صرحت من خلاله عن تفاصيل عديدة:

وأعربت الفنانة هلا رشدي عن سعادتها بالمشاركة في عروض مهرجان حكاوي الدولي لفنون الطفل، قائلة: "أنا مبسوطة جدا جدا إن أنا معاكم النهاردة، وإحساس إن أنا في إيفينت ليه علاقة بالأطفال وليه علاقة بإن إحنا نغير الحقيقة اللي هما عايشين فيها أو بمعنى أصح الخيال اللي هما عايشين فيه، ننزلهم على الأرض ونثقفهم أكتر ونخليهم جيل محترم وجميل أن شاء الله باذن الله، وأنا أصلا بحبهم جدا وإن شاء الله باذن الله كل اللي جاي يبقى أحلى، وشكرا جدا لمهرجان حكاوي وأفكار وان شاء الله باذن الله من تقدم إلى تقدم إن شاء الله".

وتابعت هلا: "والاحساس اللي أنا حسيته حقيقي حسيت انه الاطفال بجد محتاجه حاجه زي كده والعروض جميلة أوي وأنا مبسوطه جدا إن أنا مشاركه في حاجه هتزود ثقافة الطفل وهتخليه شيك كده زي زمان بدل الحاجات العجيبة اللي احنا بنشوفها اليومين دول".

وأشادت الفنانة هلا رشدي بموهبة الأطفال المشاركين في عروض الطفل، قائلة: "وأنا بتفرج عليهم لأ أنا مصدقة الكاركتر اللي هما بيقدموه، ف لا أنا بموت فيهم كلهم والله.

وأضافت هلا رشدي : "ابني لو مهتم انه ياخد خطوة التمثيل طبعاً هأيده جداً لأن هو كمان موهوب بس هو بيفكر في الكورة أكتر ف مش عايزة اضغط عليه.

آخر أعمال هلا رشدي الغنائية

أما بالنسبة لآخر أعمالها، قالت: "دلوقتي أنا مركزة أكتر في ألبوم الأطفال، ومركزة أكتر في الناحية الغنائية أكتر، علشان دول حبايبي انا كل ما اعملهم أغنية كل ما تنجح أحس بالمسؤولية أكتر لما بحس بحبهم وتعلقهم بيا كشخصية للأطفال ده بالنسبالي مخليني مشغولة بيهم بس".

الجدير بالذكر أنه آخر أعمال الفنانة هلا رشدي هي أغنية الخير والبركة بالتعاون مع الفنان محمد الحلو، وهي من ألحان محمد يحيى، ومن كلمات أيمن بهجت قمر، ومن توزيع وسام عبدالمنعم.