أنا مش بتاعة تريندات .. المطربة إيناس عز الدين ترد على هجوم الممثلة إيناس عز الدين
ردت المطربة إيناس عز الدين والتي تعرضت لجلطة بالقلب ونجت منها قبل أن تودي بحياتها، خلال الساعات الماضية على الممثلة إيناس عز الدين والتي هاجمتها متهمة إياها بمحاولة صنع تريند لوضعها في الصدارة، بعدما تداولت بعض المواقع صورتها بالخطأ على خبر إصابة الأولى ظنا منهم أن هي من تعرضت للجلطة.
ويقدم موقع الأيام المصرية تصريح المطربة إيناس عز الدين، الذي نشرته عبر حسابه الشخصي على فيس بوك خلال الساعات القليلة الماضية.
المطربة إيناس عز الدين تهاجم الممثلة إيناس عز الدين
كتبت إيناس عز الدين منشورا عبر حسابها على موقع التواصل الاجتماعي فيس بوك، تهاجم فيه الممثلة إيناس بعدما اتهمتها الثانية بأنها تحاول صنع تريند على حسابها، بعد أن نشرت المواقع الصحفية صورها بالخطأ على خبر إصابة المطربة إيناس عز الدين.
وكتبت: “يا ستي هو إنتي حد جه جنبك ولا داسلك على طرف ؟ أنا كتبت على صفحتي عن اللي حصل معايا بسبب الزعل و الحزن و صدمة اتعرضت لها كانت هتفقدني حياتي وبطمن أهلي واخواتي وأصحابي وحبايبي كتر ألف خيرهم والصحافة كتبت وطمنوا الناس عني كتر ألف خيرهم مشكورين رغم إني لا طلبت يكتبوا ولا عمري ببعت أخبار ليا لأي صحفي رغم إن كلهم اخواتي وأصحابي وحبايبي وبنسأل على بعض طول الوقت ويقعدوا يقولولي يا بنتي ابعتيلنا أي أخبار تخصك عن أي جديد ليكي ومش ببعت ولا عندي مسئول إعلامي ولا بعرف حد علشان مصلحة إنه يكتب عني إلا لما حد بيكلمني وبيسألني أو يطلب يعمل معايا حوار عمري ما بزعله وبتشرف جداً كمان فلما يتكتب خبر في مليون موقع وتتحط صورتك بالخطأ على خبر أو اثنين منهم زي ما دايماً بيحصل وبيحصل معايا برضوا وبكبر دماغي لأني لما اتكلمت قبل كده اتقالي إن المحررين أحياناً بيغلطوا ويتلخبطوا وده بيحصل مع فنانين كتير جداً و سبحان الله مش بشوف حد فيهم بيتكلم بالاسلوب ده”.
وتابعت: ف ترند إيه ومين اللي استغلوا صورك علشان يحققوا الترند يا فندم ومين اللي عايز يركب ترند على حسك و بصورك ؟ أنا ولا الصحافة اللي نزلت بالغلط صورتك على الخبر في موقع أواتنين من بين ألف خبر؟ يعني علشان نفهم الكلام موجه لمين و نعرف نرد ؟ طب كنتي قولي سلامات بدل الكلمتين دول حتى، ده والله فيه ناس ما بتطلع تريند إلا لما بتدخل على أي خط فيه إسمي و صورتي ويحطوه في جملة مفيدة .. والله هم يبكي وهم يضحك وهم يا جمل".
