سجن صيدنايا في سوريا.. حكايات الرعب داخل «المسلخ البشري»

ابتلع سجن صيدنايا المرعب في سوريا، آلاف من السجناء، حيث عانى السجناء من التعذيب والإعدام وانتهاكات جسيمة، وكان هذا السجن  الأسوأ سمعة في سوريا والشرق الأوسط باعتباره "سجن الرعب"، ويطلق المدافعون عن حقوق الإنسان اسم "المسلخ البشري" على هذا السجن.

وعاد سجن صيدنايا الشهير بعمليات التعذيب الوحشية في حكم نظام الأسد المنهار إلى الواجهة بعدما تمكن الفصائل السورية المسلحة، من دخوله وتحرير السجناء.

وترصد الأيام المصرية أبرز حكايات الرعب من سجن صيدنايا السوري، في السطور التالية. 

حكايات الرعب من سجن صيدنايا

كانوا بيقعدوه على كرسي ويولعوا شمعة كبيرة تحته، مكنوش بيطفوها إلا اما جزء من جلده يذوب وينقط على الأرض، هنا بس يطفوها ويرجعوه (المهجع) لرفاقه.

ويحكي آخر، كانوا معيشني في حاجة اسما (بيت الكلبة) متر في متر، ولازم وقت الأكل أنبح عشان يحطولي آكل.. "لا نباح لا طعام".

حكايات قتل وتعذيب الأطفال في سجن صيدنايا

طفل من "داريا" عنده 16 سن، مجرد ما عرفوا إنه من "داريا" نيموه في الأرض وبمكنه لحام الحديد حرقوله وجهه لغاية ما ذاب خديه ولفوه بالعكس وفضلوا يلحموا في ظهره، وبعدين ودوده ع المهجع وشه بينقط، زملائة معندهومش غير جوال بطاطا ال بيجيبوه فيه الاكل، فضلوا يغسلوا وجهه بالمايه يرطبوه.. يومين ومات.

وفي قصة لطفل آخر،  دخل وهو طفل 12 سنة ، سألوه إيه الأغنية ال بتحبها، فاستغرب، لكن تحت الضرب قالهم"الكابتن رابح"، الضابط مكنش عنده الأغنية على تليفونه فقلهم وقفوا ورجعوه المهجع.. بعد يومين فتحوا الباب وقالوا "وينه هدا صاحب أغنية الكابتن رابح"، دخلوه تاني للضابط وبدأ التـعذيب على الأغنية..

غرفة الملح في سجن صيدنايا 

كانوا عاملين غرفة اسمها "غرفة الملح" بيحطوا فيها الجثث لغاية ما ينقلوها لمستشفى "تشرين" كانوا لما بيجرحوك، يدخلوك ننام ليلتين في غرفة الملح وسط الجثث المتعفنة، اول مرة دخلت كانوا حاطين "الطماشة" على عيني ومش شايف حاجة.

لما لاقيت نفسي "بدعس" في الجثث افتكرت انهم فكروني مت.. لكن بعد يومين ندهوا علي وانا خارج كنت عمال ادوس ع الجثث، قالولي اختار جثة عشان تاكلها، قلتلهم "ما بدي أكل شي" سبوني يومين تانيين وكرروا السؤال، ولما رفضت. قالولي لو مأكلتش دلوقتي هنفوت على ابن اختك عندنا نجيبه نشويه قدامك ونحشره في بقك لغاية ما تاكله..
بعتولي جثة سيدة خمسينية عارية .....

أقلوا كفاية عشان النبي.. يقلي النبي أخد اجازة، والقرآن بدعســوا برجلي، عرفني على بنت حامل في 6 شهور، من كتر ما تم تـعذيبها ولدت ابن 7 شهور، قـتـلوا ولدها قدامها، "البنت موجودة لهلا مجنونة".

حكايات رعب سجن صيدنايا لا تنتهي

يذكر أن جميع حكايات سجن صيدنايا تستند إلى أحداث حدثت مع معتقلين محظوظين بما يكفي للنجاة، وارتبط هذا السجن عند السوريين بفقدان الأحبة والأسى، وفق رابطة معتقلي ومفقودي سجن صيدنايا، يقدر عدد الأشخاص الذين دخلوا إلى سجن صيدنايا منذ عام 2011م، بنحو 30 ألف شخص وأفرج عن 6 آلاف فقط، واعتبر الباقين في حكم المفقودين.