رانيا محمود ياسين: «السوت» اللي لبسته في الجونة كان فرنساوي مش ستارة حمّام (خاص)

كشفت الفنانة رانيا محمد ياسين عن أحدث أعمالها القادمة في المسرح والسينما والتليفزيون، وتفاصيل مشاركتها في رمضان 2025، كما تحدث عن رد فعلها تجاه انتقادات السوشيال ميديا على ظهورها في الفترة الأخيرة.

وكان لموقع الأيام المصرية لقاء خاص مع الفنانة رانيا محمد ياسين على هامش فعاليات حفل ملتقى التميز و الإبداع العربي في دورته الثالثة، حيث حضرت رانيا للملتقى لتحصل على تكريم لمجمل أعمالها الفنية، بين نخبة من نجوم ونجمات الوسط الفني.

رانيا محمود ياسين التكريم بيعطيني دفعة وقت السقوط

وجهت رانيا محمود ياسين الشكر للقائمين على ملتقى التميز والإبداع، وأشارت إلى أهمية التكريم  بالنسبة لها قائلة، “بشكر كل القائمين على ملتقى التميز والإبداع العربي، على تكريمي وتكريم كل الفنانين اللي يستحقوا، التكريم بالنسبالي بيعطيني دفعه، خصوصا في أوقات السقوط ”.

 رانيا محمود ياسين: باخد الانتقادات بشكل كوميدي

وعلقت رانيا محمود ياسين، عن رد فعلها تجاه الانتقادات اللي بتتعرض ليها من خلال السوشيال ميديا، قائلة :" أنا شخص إيجابي، باخد كل حاجة بإيجابية، حتى السلبي أنا باخد الموضوع بشكل كوميدي، لأن مش كل الدنيا هتتفق على حد، عمر الدنيا كلها ما هتتفق على شخص، وعمرنا ما هنكون كلنا زي بعض ولا أذواقنا زي بعض، ولا أفكارنا شبه بعض وإلا هتكون الدنيا دمها تقيل أوي".

رانيا محمد ياسين : السوت اللي لبستها في الجونة دانتيل فرنساوي مش ستارة حمام

“لما اتعرضت للانتقاد بسبب إطلالة مهرجان الجونة، أخدت الموضوع بضحك، لأن السوت كانت شياكة ومفيش حد لبسها غيري أنا و“افرا” الممثلة التركية اللي لبسناها في العالم كله"، وأضافت مازحه “كانت دانتيل فرنساوي مش ستارة حمام وشياكة وبعدين أنا مميزة جدًا واللي مش عاجبه خلاص هعمله إية”.

رانيا محمود ياسين تكشف عن اعمالها القادمة

وكشفت رانيا محمود ياسين خلال لقائها عن أعمالها القادمة، قائلة “بحضر لفيلم قصير عشان في نيتي أشارك بيه في مهرجانات، وعندي مشروع مسرح بحضرله من شهور اتأجل عشان بسبب حاجات تخص الإنتاج، ومشروع مسرحي مهم أوي إن شاء الله قريب يخرج للنور، مضيفة بحضر لدور في مسلسل في رمضان 2025، هيكون مفاجأة وحاجة جديدة عليا.