ليا بيتين في الجنة.. سالي عبد السلام تعلن فقدها تؤامها المنتظر| صور

تعيش الإعلامية سالي عبد السلام، حالة من الحزن لققدانها تؤامها المنتظر، بعد أن طال انتظارها سنتين منذ زواجها لمحاولة الإنجاب.

وشاركت سالي عبد السلام متابعيها عبر حسابها الرسمي على موقع التواصل الاجتماعي فيس بوك، مجموعة صور أثناء تواجدها في المستشفى، ومنشورًا طويلًا، يحمل الكثير من مشاعر الحزن بسبب الفقد، وجزء آخر لرسائل موجه لمن اتهمها بقصد تأخر الإنجاب.

سالي عبد السلام : كان نفسي فيهم أوي 

أعربت الإعلامية سالي عبد السلام، عن حزنها مشيرة إلى اشتياقها لمدة سنتين لهذا الحدث وهو قدوم تؤامها المنتظر، قائلة: "قدر الله وما شاء فعل من كام يوم، وده بعد سنتين انتظار التؤام اللي كان نفسى فيهم أوي يا رب.. سنتين صبر وأنت مفيش قدامك غير الصبر زي أي رزق والحمد لله أن اختباري كان في الصبر وبس مش أكتر وكنت طالباها تيجي من عند ربنا خالص ومن غير تدخل دكاترة.. الحمد لله على نعمة الأخذ بعد العطاء.. يا رب فقدت أغلى ما ليا.. واللي كان هيكون ليا.. الحمدلله.. قدري الحمد لله".

سالي عبد السلام توجه رسالة لكل من اتهمها بتأجيل الإنجاب خوفًا على مظهرها

وجهت سالي عبد السلام رسالة لكل من اتهمها بتأجيل الإنجاب خوفاً من أن يصيبها أثر الولادة والأمومة على حياتها وأضافت: "أنا بكتب الكلام ده عشان يمكن حد يتعلم!!!، كل حد قالي وقال عليا  مش عايزة تخلف عشان خايفة على جسمها وشغلها.. وكانت أوحش حاجة سمعتها في حياتي، وهم لا يعلمون شيئا، عشان كل حد بيضغط على اللي قدامه وفاكر أنه حقه وده لا يحق له عشان المفروض انه قريب او معتبر نفسه كدة ومش من اهله أصلا ولا يحق له ويحسسهم إن وراهم تارجت يا إما هيكون منبوذ منهم وهنسود عيشتك بسؤالنا كل شهر ونضغط عليك مع إنهم مش هيشيلوا أصلا ومحدش هيشيل غيرك.. وهم لا يعلمون شيئا".

أهو مقولتش إني حامل عشان الحسد وبرضه محصلش نصيب 

واستكملت: "أوعى تقولي أنك حامل وخافي من العين وأي كلام في الموضوع ده بالذات!!!اهه مقولتش وبرضه محصلش ومع احترامي ليهم العرسة بتخلف ده مش انجاز.. وهم لا يعلمون شيئا".

واستكملت: "عشان كل ست أوعي تبقى بـ ١٠٠ ست و تشيلي مسؤولية كل حاجة لوحدك "لوحدك".. الست الجدعة بجد مبتاخدش حاجة.. الست الجدعة محدش بيساعدها وكله بيرمي عليها وكمان لما منعرفش نبقى زيها نعطلها أو نقلل منها وبمعنى أصح نبقى سبب في سقوط كل حاجة فيها مش أطفالها بس! يا ريتني قولت مبعرفش أو مش هقدر عشان موصلش لكدة!، كلنا تعبنا وبنتعب ومحدش بيحس ومحدش طلب منك تحس، بس الرحمة.. الرحمة".

سالي عبد السلام:  ليا بيتين في الجنة

واختتمت قائلةً: "كل اللى كتبت عنهم بيني وبينكم الله…إنا لله وإنا إليه راجعون.. ادعولي كتير.. راضية والحمد لله، بس بنهار وأنا بصلي ومش بطلب غير الثبات من ربنا، بس ليا بيتين في الجنة.. اخترت الآخرة والأبقى يا الله".