ماجدة خير الله: معرفش أسماء جلال بتقيم نفسها إزاي بس الظهور بيرخص| خاص
كشفت الناقدة ماجدة خير الله عن رأيها في الفنانة أسماء جلال، بعد ظهور الأخيرة الكثير على السوشيال ميديا وفي مناسبات اجتماعية أكثر من اللزوم.
"ظهورها كتير بلا معنى".. ماجدة خير الله عن أسماء جلال
قالت ماجدة خير الله في تصريحات خاصة لموقع الأيام المصرية، أن أسماء جلال كثيرة الظهور بلا معنى، خاصة أنها مقلة في الأعمال الفنية، موجهة لها نصيحة أن تنشغل أكثر بتقديم أعمال فنية مميزة.
وتابعت: أسماء جلال كثيرة الظهور بلا معنى، يعني أفراح وكليبات وهي تعتبر في بداياتها، المفروض إنها بتقدم نفسها كنجمة، فالمنهج اللي ماشية به مش كويس، فيه زيها مثل أمينة خليل ومع ذلك عمرنا ما شوفنها بتعمل كده لأنها عاملة لنفسها بريستيج".
ماجدة خير الله: أسماء جلال لو عايزه تبقى نجمة يبقى متظهرش كتير
أكدت ماجدة خير الله في تصريحاتها لموقع الأيام المصرية، أن الفنان الجيد لا بد أن يقتصد في ظهوره ويركز على تقديم أعمال فنية مميزة، ويبعد عن كثرة التواجد في مناسبات لا داعي لها.
ووجهت نصيحة للفنانة أسماء جلال، قائلة: قولت إن أي حد عايز يبقى نجم وله قيمة لازم يقتصد من ظهوره ويبقى له معنى، متبقاش بتطلع في كل حاجة تفتحي تلاقيها في وشك في فرح في كليب وغيره، لا لازم تركز في التمثيل وتعمل أعمال فنية الناس تقيمها من خلالها، لكن الظهور الكتير ده بيرخص الإنسان، عندنا أمينة خليل وسلمى أبو ضيف وكل البنات في سنها وآية سماحة وهدى المفتي وليلى زاهر ومفيش وحدة فيهم بتطلع كل شوية إلا من خلال عمل فني، الفنان مش بيتحسب له طلع كام فرح ولا راح كام حتة".
واستطردت: معرفش أسماء جلال بتقيم نفسها إزاي، بس الظهور ده بيرخص ، لازم تنشغل بأنها تدور على أعمال جيدة، ولو استسهلت التواجد، فاللي بيدور على ممثلة تقدم عمل فني وعايز شخصية ذات قيمة ومؤثرة ممكن ميفكرش فيها".
ماجدة خير الله: الحاجة الموجودة بكثرة سعرها بيرخص والهوجة دي متنفعش
أكدت ماجدة خير الله في تصريحاتها لموقع الأيام المصرية، أنه ليس هناك منتج ينظر للفنان الذي يتواجد بكثرة دون جدوى من ظهوره، وعن رأيها في المنتجين الذين يتعاونوا مع الفنانين كثيري الظهور، فقالت أنه لا يوجد منتج يفعل ذلك.
وقالت: مفيش منتج بيطلع واحدة موجودة طول الوقت، اللي موجود طول الوقت ده بيرخص نفسه، لازم الفنان أو الفنانة يبقى عزيز الظهور، ولو عايز يطلع يطلع من خلال عمل فني ويختار عمل فني مميز، أنا مثلا متابعة ياسمين رئيس في مسلسلها الجديد ومميزة ومع ذلك مش بتظهر كتير.
تابعت، نظرية معروفة أي سلعة موجودة بوفرة سعرها بيرخص، وكل ما الشخص يعز نفسه يبقى له قيمة، لكن هنا فرح وهنا فرح ده مش حلو، بيقولولي إنها بتتعزم هو يعني لازم الواحدة تروح كل الأفراح اللي بتتعزم فيها.
ماجدة خير الله: عمرو دياب بينقي أعماله وياسمين صبري هانم
قالت ماجدة خير الله في تصريحاتها لموقع الأيام المصرية، إن عمرو دياب يأخذ ملايين الملايين في الفرح الواحد لأنه عزيز الظهور، وينتقي الأماكن التي يظهر فيها، مضيفةً عمرو دياب متميز وبيقدم أغاني جديدة، لكن كمان هو بينقي الأفراح اللي بيحضرها، أي فنان عايز يعمل لنفسه قيمة لازم يحدد ظهوره ويركز في شغله".
واستطردت، أسماء جلال عقليتها مش ناضجة وهتفتكرني بهاجمها، فيه بنات قدها وأصغر منها مش بيعملوا زيها، أنا لما أحب أتكلم عنها هيبقى من خلال عمل فني مش هتكلم عنها في فرح، خلاص عرفنا إنك بنت حلوة لكن مثلا ياسمين صبري بتعمل كده، وياسمين صبري هانم هانم، هي مش بتمثل كتير ومش ممثلة جيدة، لكن حاطة نفسها في مكانة مميزة".
يذكر أن الفنانة أسماء جلال ظهرت مؤخرًا في إطلالات فريدة في مهرجان الجونة السينمائي 2024.
