صبحي كابر : طمعت وربنا اداني على قد نيتي وحلمي أرجع تاني
قصة مطعم صبحي كابر هي أكثر ما يشغل بال الكثير من المواطنين خلال الساعات الماضية، وذلك بعد إعلان بيع المطعم لأحد المؤسسات الجديدة وتعرض صاحب المطعم “صبحي كابر” لـ عملية نصب كبيرة، وترصد الأيام المصرية تفاصيل عملية النصب التي تعرض لها صاحب المطعم الشهير خلال هذا التقرير.
صبحي كابر: دخلت في صفقة ذرة كبيرة واتنصب عليا
قال صبحي كابر في تصريحات له: “كنت داخل في صفقة ذرة كبيرة عشان المزارع ودفعت فيها كل الفلوس اللي معايا وبيعت دهب مراتي وجمعت 200 مليون جنيه وبعد ما دفعت الفلوس اكتشفت إن اتنصب عليا والراجل خد الفلوس وهرب وحاولت أوصل ليه معرفتش”.
وأضاف صبحي كابر:" حصلت حريق في المطعم بعد القصة دي وبدأت اجمع فلوس تاني عشان اجدد المطعم واقف على رجلي تاني، وبعد ده كله اضطريت ادخل ناس معايا شركاء في المطعم و من هنا بدأت قصة بيع مطعم صبحي كابر".
صبحي كابر يكشف سبب بيع مطعمه الشهير
وحول سبب بيع المطعم، قال صبحي كابر: “طمعت وربنا اداني على قد نيتي، وأنا راضي باللي ربنا كاتبهولي، وان شاء الله هبدأ من أول وجديد قريبًا وهحاول أقف على رجلي من تاني، وده كله بفضل الناس اللي عارفة وبتقدر اسم مطعم صبحي كابر كويس”.
واستكمل صبحي كابر قائلًا: “ الناس عارفة ان المطعم اتباع من فترة واللي بيدل على كده ان جودة الأكل اتغيرت والناس ملاحظة ده من بعد ما سبت المطعم ومبقتش اشتغل فيه تاني، لأن صبحي كابر صعب حد يقلده أو يعمل زيه”.
وأوضح صبحي كابر: "أنا أحب العمل وأريد لعيالي حياة أفضل، لا أريدهم أن يعانوا كما عانيت".
صبحي كابر تنازل عن المطعم مقابل 300 مليون جنيه
كانت الأيام المصرية قد علمت من مصادر خاصة أن صبحي كابر مالك محلات المشويات الشهيرة في مصر والدول العربية قد تنازل عن حصته في المحل نظير مبلغ مالي كبير .
وقال المصدر أن المطعم عبارة عن شركة مساهمة وبعد توسعات من خلال عدة فروع ومزارع حدث خلاف بسبب أن المحلات الجديدة تتبع صبحي كابر بمفرده لوحده من غير الشركاء.
أضاف أن صبحي كابر تنازل عن حصته في المحل مقابل رقم كبير يتعدى 300مليون جنيه.