الملياردير أحمد حجازي يرد على ريهام سعيد بعد أزمة مها أحمد «فيديو»

أثار الملياردير المهندس أحمد حجازي الملقب بـ "ملك الأناقة"، جدلًا واسعًا بعد إعلانه تقديم مبلغ مالي شهري للفنانة مها أحمد يضاعف ما تحصل عليه من "التيك توك" مقابل أن تعتزل الظهور مجددًا، لتخرج الإعلامية ريهام سعيد لتطرح سؤال عليه: انت بتشغتل إيه يا باشمهندس علشان مها أحمد تشتغل عندك؟

موقع الأيام المصرية يرصد لكم تفاصيل أسئلة الإعلامية ريهام سعيد عبر بنامجها "هي وصبايا" الذي يتم إذاعته على قناة النهار، وأيضًا رد المهندس أحمد حجازي عليها خلال السطور التالية.

رد الملياردير اللبناني على ريهام سعيد: أنا ستايل فقط

قام الملياردير اللبناني المهندس أحمد حجازي بالنشر عبر حسابه الشخصي على "فيسبوك" رده على الإعلامية ريهام سعيد التي طرحت عليه عدة أسئلة عبر حلقتها المذاعة على قنوات النهار حيث قال فيه: قال تعالى: (يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ).

ردًا على سؤال الإعلامية الجميلة ريهام سعيد الذي وجهته لي يوم أمس في برنامجها "هي وصبايا" حيث سألتني "مهندس احمد حجازي حضرتك بتشتغل ايه" واستغربت من وجودي كل 3 أيام في بلد! 

عزيزتي "ريهام أنا أقوم بنشر اللايف ستايل فقط في صفحاتي من سفر ورحلات وجولات حول العالم، ولا أتطرق نهائيًا إلى حياتي الخاصة أو عملي في المجال الهندسي، أو مع الشركات التي تمتلكها أسرتي وتشغل بها عشرات آلاف الموظفين وهذا من باب الخصوصية. 

وتابع الملياردير اللبناني: أما بالنسبة للعرض المقدم لـ الفنانة مها أحمد فهو أن تجلس في بيتها وتتفرغ تمامًا لأسرتها ولها ضعف ما تتقاضاه من منصة التيك توك على ألا تخرج لنا نهائيًا عبر هذه المنصة مرة أخرى فهذا هو عرض العمل المقدم لها وقد اقتضى التوضيح.

ريهام سعيد: كل واحد عنده قناة في البيت طالع يقول اللي نفسه فيه

كانت الإعلامية ريهام سعيد قد ظهرت عبر حلقتها ببرنامج هي وصبايا، المذاع على قنوات النهار لتعقب على عرض الملياردير المهندس أحمد حجازي المقدم لـ الفنانة مها أحمد موضحةً بقولها: “إن الواحد يظهر في التليفزيون أو يظهر في قناة دي حاجة يعني لازم تكون مميز جدًا جدًا جدًا إنك تظهر دلوقتي”. 

وتابعت ريهام سعيد: “للأسف الشديد كل واحد عنده قناة في البيت وأي حد عاوز يوصل صوته أو أي حد عاوز يفضح حد، أو أي حد عاوز يهاجم حد أو أي حد عاوز يقول كلمة عنده القناة بتاعته في البيت”.

وأشارت سعيد بقولها: “تلك هي المصيبة لأن في حاجات بنسمعها مش المفروض نسمعها، وفي حاجات مينفعش تتقال، لأن كل الناس ليست مؤهلة انها تطلع تكلم الناس، مش كل الناس مؤهلة عشان كده إحنا مثلًا شخصيًا عشان نطلع في القناة دي لازم نروح نأخذ تصريح من نقابة الإعلاميين، ولازم نكون مؤهلين لازم يكون معانا مؤهل”. 

ريهام: مها أحمد صاحبتي ومجدي كامل حبيبي جدا وصاحبي جدا 

وأوضحت ريهام سعيد بقولها: “أنا أصلي مها أحمد صاحبتي جدًا ومجدي كامل زوجها حبيبي جدًا وصاحبي جدًا، وكان عندي لخبطة مهنية إني ما أقدرش إني أهاجم مها أحمد لإنها صاحبتي أوي وفي نفس الوقت، ما ينفعش اللي حصل فتعالوا نتكلم فيه ونعلق عليه لإنه مهم نعلق عليه”.

وأكدت ريهام سعيد: “طلبت مها أحمد تطلع معاها في البرنامج، ولكنها اختلفت معها على حاجة هي عارفاها، مشيرةً إلى أنها كانت تتمنى أن تظهر للجمهور الوجه الآخر لمها أحمد، مشددةً على أنها هي الوحيدة القادرة على توضيح ذلك لأنها تعرفها جيدًا من زمن طويل وتعرف زوجها مجدي كامل كويس، وتعرف أصلهم جيدًا ومن هم ومتربيين إزاي”.

وأوضحت ريهام سعيد أنها كانت تريد توضيح الوجه الآخر لمها أحمد مؤكدةً أنها طلع منها كلام مش صح ولا يصح أن يقال خالص خالص خالص، وغير مقصود منها في لحظة انفعال، مشيرةً إلى أن هذا تقديري للموقف، وكانت تتمنى أن تظهر معها وتشرح هذا الكلام للجمهور.

مها عن التيك توك: طول ما فيه فلوس مش هسيبه.. مش هتنفعني يا عين أمك

وعرضت الإعلامية ريهام سعيد أجزاء من كلام الفنانة مها أحمد، عبر البرنامج حيث قالت فيه: "شغلي اللي هو على التيك توك أو على أي برنامج مش هسيبه.. طول ما في فلوس مش هسيبه.. لانك مش هتنفعني يا عين أمك".

وأضافت مها أحمد: “انا قاعدة في أي مكان في شغل وفيه فلوس.. أنا قاعدة عايزة أعمل علاقات مع الناس الجامدة مع الداعمين الجامدين بره.. عشان يمكن أسافر اشتغل بره. يمكن شيخه من الشيوخ تشوفني تاخدني تشغلني عندها.. ليه لا ماهي شيخه عندي طموح عندي طموح أروح اشتغل عند الناس بره.. بس مشتغلش هنا عارفين ليه؟ عشان انتوا متنمرين.. المحلات الماركات كانوا يندهوا علينا ويسلموا علينا ويدونا هدايا ماركات فبالنسبة لنا إن إحنا ناخد هدايا دي عادي عادي خالص”.

ريهام: أحمد عزمي عمل نداء لـ المتحدة وعمل معها عقد لرمضان 2025

ثم أضافت ريهام سعيد بقولها: "مها أحمد عندها ابن من ذوي الاحتياجات الخاصة وعلاجه بياخد فلوس كتير جدا.. ويمكن هي مش هتطلع تقول ده.. لكن انا طالعة أقوله.. وفي بعض الممثلين زي الفنان أحمد عزمي لما طلع عمل نداء للشركة المتحدة.. والشركة المتحدة بنبل شديد ويعني رقي شديد استجابت له وراحت عملت معاه عقد لمسلسل في رمضان القادم 2025".

وأوضحت ريهام سعيد بقولها: "مجموعة من الممثلين والممثلات بقالهم كتير مش بيشتغلوا.. وللأسف الشديد دا وضع الممثل.. يعني لو كنت أنا مثلًا ربنا موفقني في إني اشتغلت مذيعة كان هيبقى حالي زي حال مها أحمد كدا وغيرها.. أكون قاعدة عايزة أصرف على أولادي وعايزة أعمل وعايزة أسوي ومستنية مخرج يفتكرني أو مستنية شركة إنتاج تفتكرني.

وأضافت ريهام سعيد بقولها: "خصوصًا الناس القديمة بقى اللي ملهاش مثلا في اللبس والمكياج والفيديوهات وبيطلع ممثلات جداد وبيطلع ممثلين جداد.. فممكن المخرجين ميفكروش ولا في مها أحمد ولا في ريهام سعيد ولا في فلانة وعلانة ولا أنا ما بقولش إن أنا كدة".

وأوضحت الإعلامية ريهام سعيد بقولها: "أنا بتكلم إن في ناس كتير منسية وفي ناس كتير ما بتشتغلش.. الناس دي بقى مطلوب منها إنها تفتح بيتها إزاي وهي ما امنتش ده.. يعني ما فتحتش كافيه ما فتحتش مطعم ما فتحتش ما فتحتش.. فمها أحمد طلعت.. مرة انفعلت واتكلمت بطريقة مش لطيفة عن أحمد السقا وأمير كرارة.

ريهام معاتبة مها: نحن نعرض أفلام ومسرحيات قوية ولا نعمل عند الشيوخ 

وأشارت سعيد قائلة: “ده كان انفعال منها إنها بتطلب من زمايلها يساعدوها.. وبعدين جاءت هذه الطامة الكبرى اللي طبعًا يا مها ولا أنا ولا أي حد موافق على اللي انتي قوليته.. إحنا ولا بنشتغل عند حد ولا بنشتغل ولا بنعمل عند شيوخ.. والناس اللي بتقولي عليهم كلهم ممثلين بيسافروا.. بيسافروا يؤدوا أعمال قوية جدًا جدًا جدًا زي أولاد رزق زي المسرحيات.. بيشتغلوا زي ما طول عمرنا بنشتغل في كل حتة في العالم.. هما مش بيشتغلوا عند حد هما بيقدموا فنهم في جميع أنحاء الوطن العربي.. فمتقوليش كده لإن أنت أكبر من أنك تقولي أنا يمكن شيخة تشوفني أشتغل عندها.. لا يا مها ما تخليش أبدًا الضغط وما تخليش أبدًا ظروف الحياة الصعبة.. تخليكي إنك تقولي كده ولا تتنازلي كده”.

وأوضحت سعيد بقولها: "أنا عارفة ومتأكدة إن كل ده من الضغط.. ويمكن اللي فجر الحكاية دي إن مها أحمد راحت حضرت عيد ميلاد لإحدى التيكتوكر.. وكانت الناس شايفة إن مها أحمد في حتة تانية.. يعني المفروض إنها تبقى وسط نجوم سينما زيها أو نجوم.. مها نجمة سينما"

مها طريقة ردها وألفاظها كانت غلط ورفضت كشف وجها الآخر للجمهور

وأضافت ريهام سعيد: "مها عملت أفلام سينما كتير.. والناس شافوا إن مها مش مكانها وسط التيكتوكرز وبدأوا يهاجموها فطلعت ترد بس ردت غلط.. رديتي غلط ولا الطريقة كانت صح ولا الألفاظ كانت صح ولا عبرتي صح.. ولكن أنا كان نفسي الناس تشوف الوجه الآخر منك.

ريهام: كل فيديوهات أحمد حجازي بصوا شوفوا جمالها بصوا شوفوا حلاوتها 

وأشارت ريهام سعيد بقولها: "طلع حد اسمه الباشمهندس أحمد حجازي، وده حكايته غريبة جدًا جدًا جدًا.. يعني أنا التقيت بيه على السوشيال ميديا.. إن كل الفيديوهات اللي بينزلها إنه يطلع معاه مثلًا ممثلة ويقعد يقول بصوا جمالها بصوا حلاوتها.. بصوا مش كفاية وخلاص الفيديو خلص كده.. أنا في فرنسا باكل الجاتوه.. بصوا الممثلة يعني بتتصور مع ممثلة كتير أوي ورينا صور اتصوروا مع ممثلات كتير أوي.. آه آه مش عارفة مش عايزة أقول أسامي يعني بس نشوف الصور فين"، تم عرض مجموعة من صور الفنانات بصحة الملياردير اللبناني.

وأعربت ريهام سعيد عن استغرابها بقولها: "هي الفيديوهات مفيهاش حاجه خالص فيها.. هو ظاهر مع حد.. ويقول بصوا جمالها حلو.. ازاي بس شيك ازاي ومش عارف إيه وخلاص..  وكل أسبوع أو كل ثلاث أيام في بلد الباشمهندس أحمد حجازي.

وتساءلت ريهام سعيد: " انا نفسي بس أعرف بشمهندس أحمد حجازي بيشتغل إيه وبيعمل إيه في الحياة.. عشان هو عرض على مها أحمد إن هو يعطيها مرتب شهري وتعتزل التيك توك..  أنا الحقيقة يعني مستاءة جدًا من هذه الفكرة".

ريهام: انت شغال إيه علشان تاخد مها أحمد تشغل معاك.. ملابس غريبة

وأضافت ريهام سعيد: "عايزة أسأل حضرتك بتشتغل فين وبتشتغل إيه علشان مها أحمد تشتغل معاك.. وبتظهر بملابس غريبة أنا مستاءة من فكرة أحد الإعلاميين يطلع يقولك نجوى فؤاد تقعد في البيت وأنا أديها مش عارفة إيه.. ومها أحمد تقعد من التيك توك وأنا أديها مش عارفة إيه".

وتابعت ريهام سعيد: "على الفكرة الناس دول فنانين كبار لهم أعمالهم ولهم جمهورهم.. ومش محتاجين حد يديهم أي حاجة ورزقهم هيوصلهم لحد عندهم.. لإن الرزق بيجي من عند ربنا.. انت مهندس مها أحمد مش مهندسة هتشتغل معاك إيه، ياريت ترد علينا انت شغال إيه علشان مها أحمد تشتغل معاك.

أحمد حجازي يعرض الزواج من حورية فرغلي بمهر مليون دولار 

سبق أن الملياردير اللبناني كتب أحمد حجازي عبر حسابه الشخصي، على موقع التواصل الاجتماعي الفيس بوك، قائلًا: " ﴿ وَمِنۡ ءَايَٰتِهِۦٓ أَنۡ خَلَقَ لَكُم مِّنۡ أَنفُسِكُمۡ أَزۡوَٰجٗا لِّتَسۡكُنُوٓاْ إِلَيۡهَا وَجَعَلَ بَيۡنَكُم مَّوَدَّةٗ وَرَحۡمَةًۚ إِنَّ فِي ذَٰلِكَ لَأٓيَٰتٖ لِّقَوۡمٖ يَتَفَكَّرُونَ ﴾ [ الروم: 21]

وكتب قائلًا: "أنا المهندس أحمد حجازي بعرض زواج للفنانة الجميلة حورية فرغلي مقابل مهر وقدره مليون دولار أمريكي عدًا ونقدًا وذلك بعد التنمر الذي تعرضت له من قبل أحد المذيعين، حيث ادعى أنه لا أحد يرغب بالزواج بها، كيف لا أحد يرغب وأنا المهندس حلم فتيات الوطن العربي، أرغب بالزواج بها وعلى سنة الله ورسوله.

 ومن جانبها علقت الفنانة حورية فرغلي، إنها رفضت الزواج من الملياردير اللبناني المدعو أحمد حجازي موضحةً خلال حوار سابق لها في برنامج العرافة الذي تقدمه الإعلامية بسمة وهبة، والذي يتم إذاعته على قناة المحور، أنها رفضت الزواج من الملياردير اللبناني أحمد حجازي، لأنه من وجهة نظرها "أحلى منها"، معقبةً بقولها: "متعرفش هو ولد ولا بنت".

وأضافت حورية فرغلي أن أحمد حجازي الملياردير اللبناني عرض عليها مبلغ 2 مليون دولار للزواج منها ولا تعرف سر تصميمه على الزواج منها.

من هو الملياردير اللبناني المهندس أحمد حجازي؟

• لبناني الجنسية ويُلقب الملياردير المهندس أحمد حجازي بـ ملك الأناقة، ويبلغ من العمر الـ 33 عامًا من مواليد عام 1991.
• تقدر ثروة الملياردير المهندس أحمد حجازي بأكثر من 27 مليون دولار تقريبًا وفقًا لما يتم تداوله.
• يعد المهندس أحمد حجازي من الشخصيات التي ظهرت بشكل كبير على العديد من مواقع التواصل الاجتماعي خلال السنوات الأخيرة.
• حقق أحمد حجازي، شهرةً كبيرةً جدًا في مجال عمله وله العديد من الأعمال التي قدمها.

لا يفوتك

ريهام سعيد تحتفل بتعاقد الشركة المتحدة وقناة هي